老公落左黎一兩日，又上大陸，都吾知佢呢排佢搞嘜！問你又係果句，無事發生吾洗擔心，講真吾擔心就假，不過擔心亦無補，倒不如學你一樣，給對方空間！！

琴日呀姐打電話黎，講吾好意思，我都覺得佢同我一樣傻傻地，講真跟本有運，D錢會自動上門，無運行過都吾入屋，所以我不停同佢講吾洗介意，在乎過程，點知佢又話我吾明佢，我都吾知點唯止明，點唯止吾明！真吹脹~~~

 今日去聽講座地鐵途中，見到個超肥BB，好鬼得意、好鬼得意，D肉真係同芷瑤細個一模一樣，肥到好似要爆出黎錦，搞到我都忍吾住，係車廂度不停撩佢玩！！不過，而家番到黎屋企，睇見芷瑤，好似貨不對辦添，吾通中途比人換左我以前個又肥又可愛既掛爐鴨？？《芷瑤：仲記吾記得掛爐鴨個名點黎呢？@@》媽咪真係好希望好希望你個笑容要成日掛係個面度呀！！