呢兩日為左開鋪心煩到不得了，因為對自己黎講真係一個大大大挑戰，而家淨係設計個logo配色字形外邊已經頭都大，最慘自己電腦智識又有限公司，簡簡單單一D野都做好鬼耐，而家仲要諗埋張宣傳單張，我如果真係搞得掂，我都要服下自己，唉！心都不停同自己講見步行步，但真係好多鎖事要理，好似預貨預架具都吾知從何起，聽日又要上大陸幾日，番黎又要幫舅父開檔，唉！希望搞得掂，喃嘸喃嘸....
今日真係好感恩，好感恩，呢幾日諗緊既問題，點知祇雖一個電話就解決左，其實一路自己都知天爺爺好眷顧自己，呢排真係好感動，因為自己開間鋪，所有身邊朋友同親人都會為自己雀躍同粗心，真係好多謝好多謝！
大佬：從未試過係網度提及你，因為錦多兄姐妹裡面較為遠既就係你，點知今日一個電話，你已經義無反顧錦幫我二十萬，真係令我慚愧慚愧，我真係好感動，好感動，前世都吾知做左d咩，可以有你地呢班兄姐妹，總之點都好，多謝......(閱讀全文)
呢期老豆真係黑仔，幾星期內跌左三次，入兩次醫院係錦縫針，仲要跌到豬頭錦，不過倒轉黎睇，又好彩康復得好快，吾知點解真係覺得老豆好鬼幸福，養六個仔女都算係錦，日日輪流陪佢食飯，自問眼中錦多老人家老豆真係算係一個超幸福之人，不過又最不幸就係佢身在福中不知福...
早幾日芷瑤師父打電話黎約食飯，唉自己又爽約，真活該，師父真係好鬼好，好到開始我都有D吾好意思la，吾好講芷瑤打功夫從來吾會同我計較過學費問題，仲......(閱讀全文)
