媽：我好掛住你呀！你走了現在適應嗎，我好痛我做得吾夠，心裡好像少了血流一樣，周時一看到一D有關你既野，心就有份莫名的酸，但又好清楚除學習接受外，跟本就無第二樣方法，媽而家真係好想摸下你，摸下你個面，你平時一日打幾次電話黎，而家屋企個電話已經無左你把聲，好掛住好掛住您呀，我地會再相遇嗎，我好驚我地吾能夠再見呀？媽，對吾住呀，我知如果我吾開心係你最吾想見到的，但我真係好掛住你，媽您知嗎？你吾止係一百分......(閱讀全文)
神奇神奇，家裡不知怎解多了一隻很大的蝴蝶，在昨晚七時多到現在零晨兩點都未離開，剛剛小虹打電話來，仲話蝴蝶企了上神台上，真的信就是媽媽，不信便是巧合，其實我發現我D精神病真係傳染比曬d屋企人，哈哈真係幾好，凡事我地都會用最開心的想法，真係褔氣！
10月8日媽媽火化的一天，媽媽身軀今日要告別了，好一句萬般帶不走，唯有孽隨身！去到鑽石山火化場，做了很簡單的儀式，便告別了，回看媽媽真的不枉，做人做到老學到老，家裡雖不是甚麼大富大貴，但總算媽媽是無憂兩餐，但她總是要顯現自已的價值，有機會賺錢就算十元八元她都總不放過，相對我就真係差，成日都係企去D最舒服既位置，永遠都吾識睇錢有幾重要…
