| «‹ August 2022 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2008 年 3 月 7 日 星期五  |
| 1蚊雞餃子 |
分類: 未分類 |
| *抵讚之處*1蚊雞餃子, 絕無取巧 ! *不足之處*個別侍應服務態度有待改善. *平均消費*是次消費$32 詳細內容平日搭巴士途經北角的內街, 所見的都是一些傢俬裝飾公司, 茶餐廳或者麵包店等食店. 其實於街角處有間全店用木製枱椅的外省菜店 ”小辣椒”, 一直來都未有幫襯過, 終於有日路過時被門外那個$1餃子嘅牌吸引到, 並抱住一試無妨嘅心理入去試試! 原來每日下午2:30-6時都有下午茶, 所有餃子都是$1一隻 (可選津白/韮菜餡) 最少6隻, 並以上湯同煮. 因當日落單已接近6時, 韮菜餃子已售罄, 所以只點了津白餡. 見到另外有鍋貼, 原來是韮菜餡, 即點了3隻.(最少數量). 可以滿足番沒有湯韮菜餃嘅失望. 吃了一口津白餃子, 覺得餡料沒有因價格而減少份量, 仍可食到有菜有肉嘅味道. 餐牌上有一個酸辣苕粉, 好奇之下問侍應才知道是薯粉, 又叫碗來試, 粉條是涼涼的, 伴入一些熱嘅酸辣汁料,花生及蔥花. 食時有一點點麻辣嘅味道, 可取之處是不會令到味蕾失去味覺. 有見之前兩款餃子都不錯, 再叫了一個鮮蝦雲吞, 它不似一般廣東雲吞只有蝦和肉, 還有一些津白在內, 仲每一粒都食到一隻蝦. 本想叫豆漿試吓豆味如何, 但都經已賣晒 ! 臨走時見到有多枱客人已在吃火鍋, 覺得下次可同家人或朋友去試吓 ! 同埋多口問外賣餃子都係$1隻, 不過, 相信是老闆娘的說, 可以遲吓會加價 … 個人認為加咗就未必咁抵食了 !
|
|
