今日係一件一度既「水運會」，我地今日係粉嶺游泳池舉行。

我6:30am就起左身，比平時早左成30分鐘有多，所以好眼睏

跟住無耐就出去了，去左M記食早餐，真係好飽飽呀~

無幾耐，食飽飽之後就去泳池LU，一路行過去，一路消化傾計

去到之後，就企係泳池門口側面等，等到汗都出埋黎，終於入得喇，哈哈

入左去，點完名，就分番所屬既社坐，

分社坐O個時，鄰近的文社，士氣中足，而我地又無咩士氣，

所以一直只有佢地係度打氣，而我又無咩心機幫自己社打氣，

所以一路只有佢地大聲，我地無野講....

你比賽其間，D人好厲害呀，估唔到一D我認識既同學都出去比賽喎

D比賽好好睇，起初我地係晒唔到太陽既地方坐，點知，坐你下面既兩個女仔唔打氣，

要上黎坐，唉~~D幹事一叫就叫左我同CHIANG KA YAN落去，我好唔願意，

有種不安既感覺，不埋，算喇，我一心等待既班際接力，居然取消左喎，氣死人喇

起初我唔知既，係番到屋企玩MSN人地話我知既，就係臨尾，極晒呀>︿<

晒到我死，但係主禮嘉賓講緊野，又唔可以做任何野，任個晒

12:30就完左，買左支野飲就番屋企......

番到屋企，阿媽話:「我做咩咁黑呀?」，我就去照鏡，

先知我塊面咁紅，阿媽話紅就會黑，我就去沖涼，沖完舒服晒

不過就好擔心塊面，玩左一陣電腦，就睇左一陣電視，就去左媽媽間房訓覺覺豬

係我訓覺其間，俾人嘈過好幾次，跟住又訓，訓到8:30左右先食飯飯

又睇左一陣電視，跟住望到塊面，好似無咩紅了，阿媽話無事囉喎

聽日就會好番，都唔知係咪真=.=''''

我只能希望了