好耐冇返學了，

雖然每日多咗八個鐘，但畫設計圖買餸煮飯洗碗嘅時間已經填咗落呢八個鐘；

所以我都係唔得閒得去邊，

遲下又有人嚟家訪，我又要執房了。

呢個時候家姐的我去補習……我真係好唔鍾意補習，畀錢買難受。

不過唔報名佢又繼續哦我，哎。

咁耐冇見班同學，我同佢地已經開始有代溝，話不投機半句多。

原本想返學搵人傾計散心，最後只係我諗多咗。

咁又係，中六生除咗我之外邊個唔埋頭苦幹，鬼同我癲……

噚日打機都好傷心，

明明打得過，

但畀隻冰女亂拉怪，搞到滅團。

最多等我一個復活打埋最後一條血咪繼續一齊打下隻王囉，

就憑隻冰女一句「輸出不夠」，

然後大家就聽晒佢講，做逃兵，走晒！

公會隊友都照走！

留低我一個單刷！

聽人一句就立即退隊，重當唔當我係隊長！

問都唔問就丟低我，輸出不夠？我衝把+12劍嚟有屁用！

就算玩遊戲唔駛太認真，但都唔好咁冇品。

真係一肚氣。

出返去，又繼續畀我妹唱，玩劍鬥好失禮人？我唔會理，但都唔想聽到有人黑劍鬥。

打機都咁勞氣，重有乜人生樂趣。