| shing1212 |
|
|
暱稱： 乂誠∼乂
性別： 男
國家： 香港
地區： 葵青區 |
| MORE... |
|
2008 年 3 月 16 日 星期日  |
| 某類朋友 |
分類: 未分類 |
有d 朋友，適合食飯。
同佢出去，佢總會搵到有好o野食o既地方，甚至親自煮餐好飯你食。
呢一類，係食飯朋友。
有d 朋友，適合飲野。
佢唔單止帶到你去一d 正o既飲野場，仲飲得玩得傾得。
呢一類，係飲野朋友。
有d 朋友，適合睇戲。
入場前，佢會同你講到套戲o既導演編劇演員之前拍過咩好戲；完場後，佢唔會隨便媽叉影響你o既感覺。
呢一類，係睇戲朋友。
有d 朋友，適合傾電話。
就算你自己無野想講都好，佢都可以令你不知不覺煲左幾個鐘頭粥，只因為你地真係o岩傾。
呢一類，係電話朋友。
有d 朋友，適合去玩。
去玩以外o既時間，你地唔會點聯絡，電話都唔講多個；但只要你地一齊玩，感情就會以幾何級數暴升，比起一d 經常見o既朋友仲要好感情......
呢一類，係去玩朋友。
好似有d 廢話向了......
其實以上面o既例子再推論開去o既話，
我地身邊原來係有好多唔同種類o既朋友，
就好似買平野朋友喇、
返工朋友、
唱k 朋友、
麻雀朋友、
睇波朋友、
行街朋友、
牙籤朋友、
八卦朋友、
吹水朋友、
賭錢朋友、
好色朋友、
打交朋友、
打波朋友、
督波朋友、
應酬朋友、
生意朋友、
大話朋友、
大力朋友、
戶外朋友、
房內朋友、
網上朋友、
網下朋友、
沉默朋友、
心事朋友、
曖昧朋友、
男女朋友、
豬狗朋友......
有d 朋友，適合見面。
或者咁講，其實唔係適合見面，而只係唔見唔得；因為你同佢，再唔見面o既話就好可能永遠唔會再見。
呢一類，係舊朋友。
有些朋友，適合不見面。
其實你是很想見他的，或者他也想見你，只是你們都覺得，既然一直沒有見，見了反而或會不好，見了會破壞他在你心目中的印象與感覺。
這一類，是回憶中的朋友。
有些朋友，不適合做朋友。
你其實是明知道的，他並不符合自己的擇友條件，他有些缺點很壞，有些地方你有時容忍不了，他真的不適合做自己、甚至成為任何人的朋友；但是不知為何，最起初你就是交上了他這個朋友、更讓他成為了你的好朋友以至知己。不過，容忍有時，任性有時，某天或者他的某個缺點太讓你討厭了，那天或許你再容忍不了他的任性，這天可能你突然好想任性的不再容忍他；你將對他的一點生氣或怨懟放大，由小題成大做，由裂痕化鴻溝，然後，讓自己可以從此遠離他，然後，讓他不再成為自己的朋友。
然後，你很容易的達成了目的。
只是這夜，你翻開舊相簿、舊日記、或是舊網誌時，你看到他過去曾在你的生命中留過的一點，某一天你曾以「好友」這身份，來稱呼此刻仍在你心中的這一個人；你或者會暗暗輕嘆，會微微搖頭，合上簿子關上螢幕，一秒默想，始終覺得他真的不適合做自己的朋友，始終希望他真的能夠成為自己的朋友......
而這一類，是......我已經不懂得再為這一類分類了。
你又會懂嗎?
若懂，請你告訴我。
|
|
