呢個trip 實在太難得同埋太多阻滯，所以要盡錄!!

首先因為去完泰國番泥同屋企人發生左啲事，搞到面阻阻，

再加上颱風，未知可唔可以如期進行，

然後又因為酒店，船飛，門卷都搞掂曬，冇得退，唔去就會曬左一筆錢，

俾著我面對住咁多阻滯我一定寧願唔去。

但係原來Sam佢冇諗過唔去，佢寧願改日子點都好都要去，

但可惜酒店冇得改，跟住佢同我講不如如期去，講真我諗都冇諗過，

咁佢咁堅持，我都只好陪佢，我就鼓氣勇氣同屋企人講，

講完就走，去到碼頭，已經5點，當時已經落左風球，

我就諗，原來真係去到，係麻煩左啲，狼狽左啲，但起碼唔洗浪費一筆錢。

夠鐘上船，我地搭左一程"浪"都不得了ge船之後終於到埗，

呢次係我同佢第一次去香港，亦係第一次行咁多路，第一次自己搭地鐵，

搭地鐵難我地唔到，因為只係跟住路線就ok，到左油麻地，

我地要搵酒店，我地搵左好多，問左好幾個人先搵到，

雖然有地圖，不過都係行錯。終於check in左，

入到去覺得好開心，平時呢啲野都係一早安排好曬，唔需要自己去搵，

但係今次要，不過搵到真係好開心，原來自己係做到!

去到房我地都好攰，沖涼睇電視，跟住就訓覺。

到左第2日，8點幾就起身，汁好啲野，落去食早餐，然後向迪士尼出發，

因為有直達綫，我地唔洗搵，所以好快去到，今次都係我地第1次去迪士尼，

去到係早上11點，行下玩下食下咁，幾開心ga, 不過要同大陸人迫，

天氣又唔熱又唔曬，有少少雨，涼涼地，幾舒服，

因為冇集合時間，我地中意玩到幾點都得，於是我地7點就走，

其實已經攰死，我地番到酒店擺底啲野之後再去旺角朗豪坊到行下食下，

因為時間太晏，食完野行左一陣就要走，我唔甘心，冇一次泥朗豪坊係可以認真咁行，

所以決定第3日再行過。番到酒店超快訓得著~哈哈

last day la~我地訓到好晏先起身，11點幾先check out, 寄存好行李之後就去尖東搵忌廉哥~

由於我地只係識搭地鐵，去番地面完全唔識路，又冇地圖，得個地址，

兜左好耐，問左好多人先搵到，點知去到，老細話佢訓緊晏教，

我都預左冇咁順利ga la, 我地就去左尖沙咀個長廊到兜左個圈，之後再番去，

果然，時間岩岩好，去到忌廉哥岩岩起身，出泥睇舖啦~

好肥好大隻ga~又懶~好可愛啊~不枉此行!!!跟住就番去旺角行女人街，

再認真咁行次朗豪坊，完成!

呢個trip就完結啦~~~   :)