每次去完trip~ 番到泥都要循例記錄一下行程先~ 今次去左嘉義同埋台南~雖然好似冇咩玩咁..
d景點又騎騎呢呢咁~.~不過可以去到玩已經算唔錯ga la~ 同埋台灣其實都幾靚ge :)
1/7 day 1 :
由澳門國際機場出發, 搭中午機, 抵達台灣高雄機場:) 跟住就上旅遊巴向嘉義出發!! 到埗之後就入住飯店,
飯店環境幾好ga~ 張床又大喎-v-一入到去放扺d野就去食夜晚戈餐~ 食完就去家樂福夜市...又熱又焗...唔係講笑...
d野都幾好食ge~不錯-v-之後就番酒店la~睇康熙來了~ 係台灣睇康熙來了真係唔同d ga><
the end of day 1
2/7 day 2 :
第2日就有演出la~係嘉義ge文化中心到演出, 仲要係出朝頭早... 朝早真係唔係幾吹到野lo...仲有ge就係朝早..真係冇乜人泥睇lo-0-
雖然話就話冇乜人泥睇...但係台灣人實在是太熱情la>< 佢地聽到好開心, 仲有嗌encore! 愛拼才會羸仲同我地一齊唱tim^^
跟住中午食飯la~下午就管樂踩街~其實je係巡遊~有好多好多隊ge步操樂隊, 但係戈日天氣mama地~又熱又焗~.~
係條街到企左好耐...形形式式奇奇怪怪ge花車都有~_~之後就去左體育館睇開幕式~去到仲落左幾滴雨...又肚餓...又熱...真係好難頂~.~
但係當佢放煙花戈陣..真係好開心...真係第1次咁近距離睇煙花~好正啊><之後就係極級肚餓~.~ 好采唔係睇到10點..如果唔係真係餓死左.
夜晚戈餐就自己搞掂la~同casper佢地食日本野:P 不過係冇sushi食ge日本野-0-不過還好la :) 都幾好食ge :D
the end of day2
3/7 day 3 :
第3日冇演出~朝早就去912地震博物館, 戈到原先係一間小學泥ga~好采地震戈陣係夜晚, 如果唔係就會有好多小學生會死ga la~
去到睇地震後ge頹垣敗瓦..真係幾心酸...話晒都第1次睇d咁ge野..都幾震撼..見識到地震ge威力~
本身仲可以親身感受下地震..但係戈個儀器修理緊...所以冇得試 ._.去完呢到..就去酒廠,
買左d酒啊咁..行下lo~ 冇乜野好睇 ._.之後就食中午...食完中午就去左聽音樂會...聽幼獅管樂團. 跟住好似就係番飯店:)
the end of day 3
4/7 day 4 :
呢日ge記憶比較模糊...唔係記得好清楚...朝早就去左糖廠...好似仲行左陣街~因為我換左大雄風扇-v-又有去樂器展~不過時間好少,
下午好似出左場街show, 係文化公園..台灣人實在是太過熱情la~場街show 出得好開心~雖然好熱...但係好多人睇...
好多人坐係個草地到聽, 係到唱~真係好~~~之後就去左聽挪威管樂團~很強勁喔!!!跟住就番酒店la~
the end of day 4
5/7 day 5 :
呢日真係....成日都對住音樂~朝早就去左樂器展, 食完中午就去左聽新加坡隊管樂團, 聽完就去左聽tp ge大師班~
夜晚就聽葡萄牙ge管樂團~呢1日咁就完左0口0
the end of day 5
6/7 day 6 :
要離開永悅大飯店la..真係唔捨得/.\ 向台南出發!!! 去左奇美博物館~去完就去度小月食擔擔麵~
跟住就去到要演出ge地方~又上大師班/.\ 跟住就採排咁la~然後就去康樂中心check in~
幾差都好..都係住一晚je~~~然後就番番去演出~~~最後一場好似炒得特別勁._.
the end of day 6
7/7 day 7 :
最後一日la~極之唔捨得/.\ 朝早去安平老街la~~~~食完個中午..就去機場la/.\
然後就跟台灣說再見/.\
the end of taiwan trip~
呢7日聽左3個音樂會~2個大師班~5000蚊台幣洗光光~~~
認識左個好年輕, 又中意自拍, 又中意唱歌ge司機~
我見識少..我真係未見過一個咁年輕ge司機-.-
好開心台灣好多地方都有免費wifi~唔似澳門咁姑寒 ._.
總結：下次冇10000蚊台幣都唔好去台灣啊><
去看照片吧~雖然影得唔多 :)
