今日準時喺7:00起身，呵呵.. 個書包好重呀，老師又唔俾放書喺儲物櫃，今日又係Day E，要帶圖書返去做"早晨閱讀"，本書又
厚，下次唔帶"lee"本書啦！！
今日冇搭80K，搭番283~架283好多人呀，可能係因為d人要去美林考會考掛~聽日都係搭番80K啦..
8:05---->上堂啦~
8:35---->上第一堂，係中文，當然係好悶啦，仲好眼訓呀~
9:15---->唉...數學，做數學題~叻左d，只係唔識做一題，呵呵...
10:10---->英文堂，星期四默書，各位努力溫習啦！！
10:50---->都仲係英文堂..
11:40---->我最憎嘅體育堂呀，考籃球比賽~
12:20---->哈哈..好消息！！又唔洗考9分鐘啦，實在太好啦，我太好運啦！！
1:30---->合唱團，早左放我地走∼
2:00---->又係數學，都係做數學題..
2:40---->人文，悶...=="
3:30---->班主任課，全班一起罰企，企左半個鐘..
4:00---->放學
放學同男朋友同埋同學搭巴士去愉翠苑~落左車跟住又搭番車返屋企，哈哈..
5:10返到屋企，睇"多啦A夢"，睇完就開電腦上網，由5:55玩到7點幾，俾阿爸罵開得太耐~8:20食飯啦！
今日個男朋友成身都傷哂呀∼我唔開心呀..你d傷快d好番啦！！
|
