My Diary - QOOZA BLOG 網上日誌

shirley0601 : 個人主頁 - 相簿 - 訂閱 [ QOOZA - 論壇 - 登入 ]

shirley0601

暱稱： Shirley
性別：女
國家：香港

MORE...

最近沒有訪客

日誌統計

文章總數： 101

留言總數： 14

今日人氣： 0

累積人氣： 1574

站內搜尋

RSS 訂閱

2006 年 5 月 9 日星期二

去左唱K

分類: 未分類

今日9:30起身，食左個KFC，跟住開電腦，同男朋友傾左陣msn，佢話佢唔同我去唱K，唔係幾開心，跟住就換衫～

11:55落街，同7個同學去唱K，有黎雅倫，駱羨瑩，陳思穎，余燁秌，鄺倚加，葉穎桐，張錦杰～

差唔多12:00←（我諗..）去到沙田Green Box唱K~我地唱左好多歌，玩得幾開心！！我都有唱嫁，唱左"幼稚園"，"風箏與

風"，"他約我去迪士尼"，"勞斯．萊斯"．．．好多！！唱唱下，ｄ服務員叫我地叫野食，個到ｄ野食好難食呀，食左一半到都冇就

唔食啦～

唱到4:00到啦，ｄ服務員就cut左歌（本身應該係唱到3:30，佢已經遲左cut歌），跟住就去左鄺倚加屋企到玩～去到6:10到啦，

就返屋企啦～

返到去已經係6:35啦，沖左個"凍水涼"（今日都係好熱呀！！），7:40就去開電腦啦～

8:25到啦，就食飯啦，睇"女人唔易做"～食完飯，9:15到啦，又去開電腦啦～

聽日要返學，要早d訓啦~

發表時間：2006-05-09 10:43 PM [ 訪客留言(0) ] [ 編輯日誌 ] [ 分享至FACEBOOK ]

2006 年 5 月 8 日星期一

無聊...好熱呀!!

分類: 未分類

今日好熱呀~十一點三至起身，起身個時，阿爸＆阿媽落左街食野同行街，家姐去左考試，細佬妹返左學，成間屋得我一個，

Yeah！！

差唔多十二點，阿爸阿媽返左黎，順便買埋麥當勞俾我食，跟住佢地又落左街，hehe~一邊食麥當勞，一邊睇"騙中傳

奇"←好睇！！Yeah＾＾呵呵～

睇完電視，去左開電腦~一點半到啦，全部人都返哂黎食飯~我冇食呀，唔想食～

3:30到啦，無聊喺到摺紙鶴，摺左二十幾隻啦～我都唔知摺黎做咩..hehe~

5:20，睇"多啦A夢"，好鍾意個3隻"迷你多啦"呀，好得意呀～

睇完"多啦A夢"之後，去左沖"凍水涼"，咁熱嘅天氣沖"凍水涼"真係好舒服呀~

沖完涼，開冷氣，溫書，一邊嘆冷氣一邊溫書，好舒服呀！！！hehe..

宜家...阿媽叫食飯啦，但係唔想食，唔知點解?今日冇咩胃口..

發表時間：2006-05-08 08:33 PM [ 訪客留言(0) ] [ 編輯日誌 ] [ 分享至FACEBOOK ]

2006 年 5 月 7 日星期日

都係冇野做...

分類: 未分類

今日11:30到至起身，好遲呀，俾阿媽罵~食左個凍哂嘅早餐（早餐：唉...又係公仔麵，阿媽朝朝都係煮麵嫁），就開始做功課啦

～對住本數學堂課，唔識點做，做得個幾題...T^T

1:15，食lunch～唉...係食飯呀..不過都好過食麵！！食完飯，決定唔做堂課住，去左溫書～打開本中文書，睇下d課文，好悶

呀！！！好想出街呀，但係阿媽唔俾，哼...

5:00到啦，無無聊聊喺到摺天鵝，摺左十幾隻到啦，就將d天鵝串左喺條繩到，呵呵...都幾靚啦~

聽日阿爸休息，一定又係無聊嘅一日啦～（因為阿爸一休息，唔洗祈望有得出街），聽日家姐要去考會考啦，祝佢會考成功啦＾＾

發表時間：2006-05-07 08:19 PM [ 訪客留言(0) ] [ 編輯日誌 ] [ 分享至FACEBOOK ]

2006 年 5 月 6 日星期六

冇野做...

分類: 未分類

今日10:10起左身，尋晚"尊登"紮住辮黎訓嫁，今朝起身d頭髮變左曲髮～hehe！！但係我覺得我曲髮唔靚呀，直頭髮好睇d，所

以冇俾人睇呀（屋企人除外）～

今日冇咩野做呀，朝早同下午都喺到同男朋友傾電話～頭先（7:00-8:00）就喺到做功課，本堂課好難做呀！！要做成20條數，差

唔多有一半都唔識～唉...點算？

發表時間：2006-05-06 08:18 PM [ 訪客留言(1) ] [ 編輯日誌 ] [ 分享至FACEBOOK ]

2006 年 5 月 5 日星期五

好攰呀..

分類: 未分類

今日9:10就俾阿媽嘈醒左，本身諗住遲ｄ先起身返學嫁，但係醒左又訓唔著，只好起身啦～起左身，阿媽話佢地要落街，要我自己

煮野食～我換好女童軍個件制服之後就自己煮麵食，唉...又係食麵，日日早餐都係食麵，我就快有"食麵恐懼症"嫁啦！！我終於都

知唔識煮野食係點嫁啦，就係好似我咁，日日都係食麵=="，我一定要學識煮野食呀！！

返去學校同其他人一起搭旅遊車去會展個"浴佛典禮"做服務生～去到會展，個"唔知咩人"叫我地去個好似貨倉嘅地方到食飯先，

唉...今餐又係食麵啦..點解我成日都食麵嫁？？食完飯，我地女童軍就去守門口啦，點解我地ｄ女童軍成日都要負責守門口嫁？？

企左好耐，企到隻腳好痺，跟住休息左一陣（我諗半個鐘都冇呀），又要去企啦T^T，個老師都"虐待狂"黎嫁~企完之後,我地去洗

手間,點知d人阻住曬條路，花左10幾分鐘至去到洗手間~到4:25，我地就搭旅遊車走啦~我諗我今晚一定好好訓，因為我真係好攰

呀...

發表時間：2006-05-05 08:41 PM [ 訪客留言(0) ] [ 編輯日誌 ] [ 分享至FACEBOOK ]

« | 12 | 13 | 14 | 15 | 16 | 17 | 18 | 19 | 20 | 21 | »