每次打開QOOZA

總覺得有好多野想打

但一面對空白的框框

連腦袋都變到一遍空白

最近成日係度諗

到底一路俾一個人掛住既感覺係點

可怕?

暗自竊喜?

莫名奇妙?

無感覺?

最近越來越唔知點面對自己

甚至唔知自己仲存唔存在

一個無思想腦袋空空的軀殼

軀殼

當呢個詞出現係腦海既瞬間

好多唔同情緒出現係我腦海

羞愧

頹廢

渾噩

無地自容

鼻酸

後悔

壓抑

內疚

或者呢度係我自省既地方

但就算我會自省

始終都無認真地去解決問題

而家我既記憶力越黎越差

就黎同條魚一樣

如果真係變成咁係咪會好D呢

我到底

到幾時先學會認真

我覺得自己真係好可笑

活係自己既世界入面

自我封閉

一路一路築高圍牆防備其他人

又忍唔住係牆上鑽一個窿窿

偷偷觀察外面既世界

逐少少逐少少咁緩慢吸收

就以為自己同其他人一樣

認知基本上都係差唔多

但自己接收到既訊息

到底係新定舊

適用係邊度

一知半解

我知道我唔需要同其他人一樣

但而家我根本就唔係一個完整既人

一個仲當自己係小朋友咁渾日子得過且過

只懂玩樂無思想靈魂都唔知飄左去邊既軀殼

......

我怕俾人知道我咁蠢

我怕瘀

我怕自己只能從頭學起

我怕自己眼淺

我怕被人睇唔起

但其實我好耐之前已經睇唔起自己

係咪我越隱形

想法就會越灰暗

我唔會鑽牛角尖

因為我個腦根本處理唔到複雜既事情

或者我其實都係果D講一套做一套既人

只懂得係背後妒忌人既人