唉~今日又有多個人話我係損友,乜我真係咁唔好咩?
其實我知道,班上既人都唔係咁鍾意我...(某:冇啦啦做咩要鍾意你,你又唔係令女過人~) 我係話唔鍾意同我玩個d,唔係愛情呢一種...
我其實唔feel我有咩唔好,班上有幾個人都話我好恰(中
文字典小姐:恰=欺負,各位小朋友,記住啦>v<")佢地經常都整我,例如,攪亂我d頭髮,打我等等,其實我真係feel好痛,但係都唔夠膽同老師講,我怕會冇人同我玩,又怕佢地會加害於我,我盡量令班上既人都想同我一齊玩,我經常同 同學講下笑...總知如果令到人地開心,令到人地笑既野我都會盡量做,我真係好想人地feel我係個開心果,經常都令到人地開心,佢地唔開心會同我講,開心都會,咁樣就係真正既朋友...
我諗...有d人都知道,班上有3個人同時話唔想同我玩...其中一個,幾乎係我認為我識既朋友之中最好個個...佢同我講個陣,我真係好唔開心
,好hurt...我聽到佢咁樣講,我立刻哭左出泥,我之前同左佢講d唔應該講既野...令到佢唔同我玩,我真係好後悔...(某:你同佢講左d咩?講泥比我聽下啦 ) 呢個唔講得...如果想知,我係我個中文考試-作文個到寫左落泥...你地問番
譚老師借啦...
如果多啦a夢問我想要咩presents,我會話,我只係要一樣野夠啦,我要時光倒流機,因為"人"係會做過一d事情但之後會後悔,如果有左呢樣,咁就好有用啦!
今日打住咁多仙,我冇咩心情再打落去,有大把功課未做!~xd
|
