今日去左天水圍BBQ，同埋流浮山食海鮮，雖然幾好玩，但係就辛苦我隻腳啦，講真呀，真係好痛架，宜家係瘀到發黑，唉∼

一早起身，同埋d親戚去天水圍綠田園，我地去到行左個圈之後，就一齊玩水上單車，水上單車我之前就未玩過，我覺得會幾好玩，但一上到去，好玩就好玩呀，不過係勁累呀，呢個仲累過平時踩單車好多添∼平時踩兩三個鐘都得，但呢個踩半個鐘就好累（隻腳都好痛架！）跟住就BBQ囉∼係阿媽買緊d燒烤野期間，我去左拑公仔，HAHA∼我拑左兩次，用左兩蚊，就拑到一隻賤兔啦∼係唔係好勁呢∼XDDDDDDDDDD平時BBQ，都要自己起爐，但今次就人地幫我地起，佢用個類似係Lab.用既lighter梨起爐，所以就好快燒得。我今次燒左好多野，特別係牛扒，點解？1。係因為我鍾意食2。係因為要練習點樣將牛扒穿o係隻燒烤x 上，等班會旅行可以幫下人ma~燒燒下野食，竟然有人o係隔離唱K wor~唉，踵然我知有呢個唱K服務，但d人使唔使唱到咁大聲呀，佢都唔係唔知有hi-fi係道架！又唔係唱得好聽過人，唱到走晒音。不過，好采係冇人唱歌果陣，都播番d好好聽既歌，童話，大哥.....

燒完野食，就去左踩單車，今次真係單車，咦？點解今日踩左咁多單車既？ 踩左一個鍾就走啦∼去流深山啦，如囝唔係就冇位食飯，去到，好采仲有位，叫左d海鮮，唔.....都幾好味既∼跟住我今日先知道，原來我堂細佬既英文名係叫Aiken，都幾難讀，好似係(A-ken)∼總之難讀啦∼

今日係咁多啦∼^_^

幾日冇打日記，SORRY 呀∼因為我好忙，又冇野寫，所以冇打囉∼

呢兩日買左好多書，三本小說，幾本ROALD DAHL既書，好多繡花線，一條電話繩，三隻復活假蛋，一d文具，一個food container( home e 用）............唔，差唔多啦∼總之好多野，使左好多錢。唉∼放左兩日假，都使左咁多錢，仲有好多日假ma，唉∼

由於我買左咁多野，行既路自然多左，問題自然出現，就係１3號整傷果隻腳，哇，真係好痛，越行越痛，隻手又係，擦傷左，一撞到個傷口，都好痛，不過都係隻腳嚴重d，膝頭瘀到發紫∼

仲有一樣野，就係vanessa 要返大陸探親，成個禮拜都見唔到佢on ，細妹，你要快d返梨呀∼Miss You~