唔知係唔係上天眷顧呢？琴日好彩，今日又係。

今朝番學見到胡文清，佢好似唔係好妥，但係又唔見佢話唔comfortable，所以就冇乜野。過左兩堂，胡文清開始覺得凍，仲要問人借褸添~跟住到小息啦，我同eva，kiki一齊問候胡文清，我摸下胡文清個額頭，好似有d發燒，跟住就話好辛苦，同我地講野都冇氣，我真係好擔心佢呀~但佢就係都唔肯番屋企，去睇醫生。經過一番勸喻，胡文清終於肯去啦，我幫胡文清take個書包落去，eva同kiki就扶佢落去醫療室。跟住我、eva、kiki就番番去上堂啦~

番到屋企，on左msn冇幾耐，就見到胡文清online啦，佢話佢冇乜野，好番好多，咁我都放心d。可能係上天眷顧我之餘，都眷顧埋我d fd啦XDDDD，如果真係咁，就好啦~~~~

今日真係好運啦~

今日上普通話堂要做課堂演繹，好彩前幾組都唔係我地，其實我一早知如果係第五組係第一組演繹，咁成堂都唔會到我地。因為蕭啟天係第五組，佢跟住一定會叫第七組(鄧止奇係裡面嘛)，跟住就會到第四、第三呀，個d熱門組別，唔知點解，佢地一定會俾人叫，可能係因為順口掛~從我咁多次課堂演繹既經驗，我知第九組實冇人叫，次次都係最尾個幾組~