最近發現一件事,

就是自己永遠都以別人的感受為先..自己為後

最後才發現受傷的卻是自己...

這...值得嗎!?

這次..遭殃的,,

又是我自己..

唉

失敗!

今日係農曆既7月14,一朝起身就幫麻麻手摺野呀,

之後到下就先有野食..一個杯麵....

到左7點幾,就落左去燒衣喇~

好在落去個時冇落雨咋,

食完飯,螢佢地又話係度訓...

佢地搞到好夜先訓呀...

聽日返7點半....唉

p.s.

仲有3個月!!!!我就18歲喇!!!

聽日約左karen出街!!

今日約寶寶去美食博覽~~琴晚原本都話要睇下天氣先決定去唔去

但好在今日中午的天氣已好好多了,雨停了,雷亦停了

打左3次比寶寶,佢\都未起身呢~

到左點幾佢\先捨得起身呀,之後我地約左係會展等

點知我太早到了,我3點05分到左,等到3點35分寶寶先出現呢

原因就係在於我太「早」了 !!!

我地入左會場之後都幾多人,但 hall 1都冇咩人行...

因為好多地方都係買中藥產品的...

不過有個sales 好搞笑囉,以下就係佢\同我地的說話

sales :「你地等等,你地等等」

shirley+bobo:「下?」

sales :「你地試下呢隻皮爬高,幾好架!」

bobo:「我地唔飲呢野既!」

sales:「試下啦,試下之嘛!」

bobo:「你試下先啦!」

sales:「好呀,我就試一匙比你睇!」

之後佢\就一口氣咁食左一匙...

sales:「拿,你地都試下啦!」

shirley:「我地走喇..」

咁就走左啦..個sales勁無奈囉!!!

之後我地去左hall 2,

勁多人...d人個個都7,8袋...嘩...傻架!?

我地行左好多地方呀,真係好多野食呢!!但係好多時都要排隊先有得食..

我地都唔排了...有得試就試..冇得試就唔試喇~~~

我地都買左好多野呢~~~不過都唔係用左好多錢咋~~~

最搞笑就係陪寶寶去樂天熊仔餅個度拿了些少甜頭!!!

原本要成60蚊才送的袋,50蚊就有交易了,還附送左一盒糖!!

那個sales真係好搞笑呀!!!

我地離開左會場就去左大家樂食野...

但那間大家樂係冇野食的...menu d野食少到死....

是但食左d野,我地就去左m記度坐~~

傾左好耐計呀~~~我同寶寶講左好多野,佢\又講左好多野

原來我真係唔係好識人與人之間相處之道呢...

唉~~~對於自己呢一方面..我係絕對認同的

有時真係覺得自己好冇用..我都唔知講過幾多次了...

寶寶話驚我會變左基...   唉.....

講落講落,原來大家都好想得到一樣野..

但可惜個樣野係好難有呢..失敗!

我地傾到成9點幾,就搭巴士各自回家了~~~

今日又返早呢~~今朝唔捨得起身呀..

到左成7點7先出門口,但係我返8點囉

落到樓下,電話又響,都知道係阿ki打黎,佢又驚我唔知醒~~

琴晚睇波睇到成點,好睇訓呀

返到去,都唔係好多人,但down野down到9彩,

filet又冇旦又冇...shit

下就又開會,d藍衫又坐晒係度,

我3點幾就走喇,唔想做落去呀,換左衫佢都叫我聽埋佢地開會,

都係講返我地做野個時應該點,點樣防止上次個單complaint,

又講埋百事個d野,d card點樣有咁,

patrick話我個樣成日都愁眉苦臉,話我知果件事已成事實..

叫我唔好再咁了,佢琴日講野仲搞到我喊呀...

雖然佢成日安慰我,但我的眼淚水始終都忍唔到...

開完會我就走了...自己出左去油麻地行行

去左m記食左杯雪榚,岩岩坐係對面個女人同我講野,

開頭以為佢講咩...佢講國語架

佢問我係咪本地人..旺角d野係咪好平,尖沙咀點去...

呢度d屋租係咪好貴,問左好多香港的野...

我用我有限的普通話黎答佢,有時真係唔係好識聽佢講野...

「移民」的普通話好難講....

我同佢講話自己講得唔係好好,佢居然話我講得好喎

同佢講埋吉之島點去,佢就走左喇...

返屋企食完飯就去左睇波,睇完阿仙奴再睇車仔,

阿ki途中打黎問我有冇睇 ,之後又同我講佢買左咩,阻住晒!

今晚個d波幾好睇!!雖然車仔win得有d幸運...大半場比人禁住,都可以係92分幾入返一粒...

 WIGAN 0 - 1 CHELSEA

球彩台真係好搞笑,有個人打電話上去,問阿鵬有咩心水

阿鵬就話係YOUNG MAN--青年人,個人話佢唔係好識巴西波,

阿鵬就叫佢放少少落去,佢居然話

「好啦!咁我就擺5000蚊落去玩下啦!!」

嚇親班主持!!笑死我了!!!

P.S.多謝ALKI今日咁關心我,問我點,多謝晒

      聽日約左 寶寶去美食節~~~

micheal phelps~~~

今日返早...阿ki一早打黎...驚我未起身...

返到去遲左少少

唉...今日的話題都離唔開HKCEE...

雖然阿ki話我係N5中最高分的那個...

但...呢d野有咩值得好講..

take break個時雖然佢同拎住份報紙同我講英超d野,

但係我都冇心機聽落去...又想喊了

下就有人打黎公司搵我...我仲以為邊個

點知佢地話職訓個到冇津貼...要我即刻去報 IVE

阿KI比左我走,我就由尖咀坐火車到九龍塘搵叔叔,

之後行左勁遠囉..條街又熱...真係食屎..

搞左勁耐..而家搞到我咩都唔想讀,唉...

夜晚又見到欣宜係度爆英文...

真係好唔鍾意...

再見到ISABELLA同 菲比斯一齊出SHOW更加唔鍾意..

我好想去睇呀...我真係好想去睇呀...

佢後日就走了

他的成功是靠他多年來的努力,那麼,我也希望跟他一樣...

p.s. 崔平可能見埋呢個月咋...佢走了...