因為放左6個星期假,返到屋企見到d草長左咁多,加埋四邊樹籬...感覺好攰,而且後園有三棵樹,我又唔識剪,所以搵左人幫我剪,打完價35鎊,好啦,為起都係HKD 4百幾啫~費事煩!

今日剪草人黎左啦...嘩~幾靚仔喎~比得過David Beckham呀~   佢用左兩個鐘頭剪完晒d草,但棵蘋果樹就未剪得,生左d"真菌"喎~教左我哋點做之後,就完工啦。仲比左包除雜草ge葯粉我哋...因為我比左套波衫佢個仔,所以禮尚往來lor~~  每次請返黎做野d人,服務態度都非常好!冇得彈~     

最好笑佢仲話,千祈唔好未經人同意就剪隔離屋生到你屋企範圍d樹呀~人哋有權要你賠返比佢ga

係英國兩年,見到d英國人都係唔靚ge多過靚...但黎親我屋企做野哥d都係靚人,包括每季黎check屋哥個女人~~