係外國生活,環境一定比香港好,地方大,周圍都見到花草樹木,大多數ge屋都有花園,有停車位

我而家係呢間係house,有兩層共4房一廰,大廚房連飯廰,一個浴室,一個厠所,有前後花園,仲兩個車位

講出黎真係幾大ga~住得幾舒服tim...

但有好就有壞~

每年只有兩三個月唔駛剪草,其餘時間...最耐三個星期就要剪一次,你都咪話唔辛苦呀~又唔可以下下等個仔放學一齊剪,因為成日都落雨,落完未乾得晒又唔好剪,所以通常都係我一個人剪晒...哎~

吸塵...又係一大工程...因為全屋都係地毯...撞啱今日吸塵又係非常時"期",做完之後條腰骨都幾痛...

呢d就叫"食得咸魚要抵得渴"..嗚~嗚~