十月頭,剛剛講完"客人",十月中就有人話話要黎我屋企住,咁遠黎到,本來無所謂ge~但呢個"客人"上一次黎我度住左幾日(唔記得幾多日,好似4,5日咁上下),最~最~最~困擾ge係佢住哥幾日係分開三次黎...
我覺得好麻煩lor~你做客人ge,住幾日都要分幾次來來去去...有冇諗過真係會麻煩到我ga?

因為之前住哥間屋,樓下好凍,冇暖氣,冇理由要佢捱凍ga ma,所以我要比阿仔間房佢瞓,阿仔就瞓我房哋下,如果係一次過住幾日,咁我都係做一次整理啫~但佢分開幾次,佢黎...我要換床單被舖,佢走...我又要換床單被舖...住左幾日我就換左幾次,哎~我都唔知可以再講d咩~

你問到我:我去你度得唔得呀?有冇問題呀?...................我點答你?(真係講真心說話時,你估我哋會點?)
做客人ge,要有返做客人ge態度,要考慮別人ge感受,唔係個個人都咁"好客"任勞任怨ge~
仲要睇下你同我係咩關係,有咩交情,唔好自以為是。

希望佢今次唔好似上次咁住法就好啦~真係好困擾我!!!