尋日都未瞓醒阿仔就入黎我房同我講佢部電腦開唔到機,我半睡半醒叫佢開我部上網問下人會有乜可能性會發生喇咁,結果就係"燒底板",但老公之前有試過燒底板,佢話燒底板...咁部機應該仲可以聽到散熱扇D聲喎~但我仔哥部就完全冇聲,即係"冇電到"咁...我諗應該係"電"有事,所以開唔到機,老公叫我睇下係咪"插頭"燒左fuse,咁我拆開睇落表面又冇事,跟住再用第二個辦法去試下fuse係咪真係有問題,就係拆開另一個插頭,掉轉兩個fuse試下啦,結果就係唔關fuse事,冇辦法,我對電腦呢方面ge野唔熟識,唯有搵幫手,呢兩三日,佢哋就同我share我哥部玩住先。

雖然仲大幾日假期,但係好多野做呀~聽日要去飲茶、同no哥去驗眼、幫兩個細ge張bus card,仲想去埋hyperama買野,星期二朋黎幫我睇一部電腦,星期三去Birmingham,星期四Tara會黎季節性檢查我間屋...好忙呀!