呢個half term計埋星期六日共有9日假期,假期開始第二日問下no哥有冇做past paper(佢老豆叫佢每日做,叫我監管ge,我間中先會問下佢有冇做,十令日抽睇一次佢ge成果)佢話因為學校有功課,諗住呢個假期唔做past paper,我話唔好喇,你d功課咁少,放假又咁多時間,做埋佢喇。咁尋日撘巴士時咪問下佢有冇做paper 啦,佢話有呀,咁我咪信佢lor~
今日心血來潮叫阿仔去睇下佢做成點,點知阿仔睇完話比我知佢做到10月20日之後就冇做,咁即係未開始放假佢已經冇做到,到今日都成個星期都冇做,我即刻火都黎埋...離晒大譜...一曰24小時,除左食睡疴之外佢都冇野要做,攞兩個鐘出黎,乜都做晒喇,其餘時間咪可以任玩都冇人話你喇,咁大個仔都唔識計呢條數?有冇搞錯?(呢d說話冇對佢講)

我叫佢除左電腦條電線比我,我話:當你覺得你可以收到心,唔再全心係晒d game到,你再話我知喇~

但...我發現我原來好心軟ga!我好想做絕d...但我做唔到...我已經係到諗緊...冇得玩真係好慘...咁點呢?
再諗諗...我真係真係好心軟...阿妹今時今日都未改變到佢某d唔好ge習慣,都係因為我對佢心軟,所以......!!??咪而家咁lor~

今日ken黎睇過部電腦,估計結果同我一樣...火牛,聽日拎舊火牛去阿藍到試下。

因為幾個原因,估計呢個假期原本ge計劃應該都冇邊樣做得成,...唔想講喇~心情唔多好!

最後...阿ken兩公婆決定要返hk啦,頂唔順呢邊d生活咁話喎~