今朝一早kirk就撘火車去london面試喇,有少少擔心佢,畢竟係佢第一次獨自去咁遠地方,所以叫佢入到學校同離開時打電話比我,報下平安咁喇,火車回程係21:30到notts ,咁我20:30打比佢睇下佢點喇,點知打極都冇人聽,去左留言信箱,哥一刻真係驚,唔知佢發生咩事?自己就係度諗原因...電話又通,只不過冇人聽,咁可能跌左電話,又未有人執到啦,應該就唔會遇到d咩衰野掛?!個心十五十六,跟住就諗...會唔會係車度瞓著左呢?有可能會唔知醒落車喎~~咁我咪試下不停咁打電話比佢,睇下可唔可以嘈醒佢啦,最後總共打左21次電話,留左4個口訊...到21:00,佢終於打電話返黎喇!

哎~嚇到我死死下ge原因係...佢有個習慣,去到學校就會將個手機較"靜音"...佢又經常唔記得較返有聲,佢聽唔到電話响...我之前都有試過咁情況,但未試過咁耐先回我...今次係佢咁大個仔第二次嚇我。

講完驚魂記,再講下Kirk去大學面試ge野...
過程由一個45分鐘介紹講座開始--->分組參觀上課ge地方--->食free lunch(呢個世界真係有免費午餐ga~)--->正式ge面試喇,過程只係15分鐘-->參觀住ge地方去
對面試之後感覺係...對自己有信心...同面試ge  Professor互動好順暢,好輕鬆...

離開學校之後,因為買ge回程票係7:30,所以要逗留係london三個鐘頭,唯有去行下shopping mall...



p.s.   Kirk話係大學見到個"梳旦撻頭ge羅主任"真係好似樣喎~~哈哈~