兩日一夜  Manchester葡萄牙領事館 換証Trip

12月6日,之前買左9:30火車票,所以7:30起床,8:30出門口,一個鐘一定夠時間去到車站,但失左預算,因為唔記得左星期日d 巴士要到10點後班次先會密d,所以去到巴士站見到要9:02分先有車,死啦~點可能趕到呀?仲落緊大雨tim...即時行返屋企,一路行一邊打電話call taxi,話20分鐘後先有車到,當時幾鬼緊張呀~好驚taxi遲到,咁就麻煩喇,火車唔等人ga ma... 好彩taxi 係10分鐘後到左,即時鬆晒~~

去到火車站仲有半個鐘,坐係度等喇~點知突然又發現唔記得帶張"火車優惠咭",慘!要補錢tim...都冇法啦,鬼叫我大慒呀~跟住行去customer serives問下要加幾多,點知佢話冇咭...張車票就無效,加錢都唔得,好彩佢跟住又講,一係買過張票(60幾鎊),一係做過張咭(26鎊),但因為當時仲有15分鐘就開車,又要填form,張咭未必出得到,但我哋都試下啦,好彩最後都ok左,否則又要嘥多d錢...

火車....坐位窄左d,車廂焗焗哋,我因為前一晚瞓得唔好,所以感覺唔係幾好,佢哋就冇話問題...坐左兩個鐘,去到Manchester 11:30,先搵左葡萄牙領事館位置方便明天辦事,之後就去左China Town搵野食,揀左間"中式Buffet",好食過Notts哥間,食左個幾鐘,跟住順住一路行街一路搵預訂左哥間酒店,2:45去到酒店,等到3:00先可以check in,上到房...感覺好好喎~29鎊一晚,算超值喇,好新淨下,"Travelodge"酒店就同大陸哥間"7daysinn"差不多,好簡潔ge一間住宿地方。

因為我真係幾眼瞓,所以要補眠,佢哋唯有係度睇電視等我...瞓左兩個鐘精神好返d就出去搵野食,食之前逛左去Square,因為近聖誕節關係所以好多攤販,好多野睇,本來想食好d,但真係搵唔到,又唔想再食China town,最後只係食左Burger King,嘩!超貴,一個餐5鎊...又唔好食~~食完就慢慢行返酒店。

第二日10:00先起床,因為前一日見到間sushi店好抵食,預左要去,所以只食左少少野頂住肚先,check out之後直接去食,去到又未夠鐘,見到間Art Museum,諗住入去睇下,點知咁啱星期一休息...少少失望,轉返去sushi店,點知老細話今日燒左電路版,所以做唔到生意,但佢話有分店,教左我哋點去,後尾搵左一陣...有得食喇~好開心!唔錯~唔錯~正~正~搏命食,總共食左19碟sushi、一碗拉面、一碗椰汁紫米露、一碗味噌湯,食到肚都脹晒埋都係30鎊...真係好抵食呀~

食完仲未到預約時間辦証,但又唔想再行街,咪照去領事館等,睇下可唔可以早d做,去到等左一個鐘,後尾又搞左一個鐘
(相比係澳門領事館換証"冇尊嚴"待遇...曼城呢個領事館態度真係好到冇得彈~要求又少,唔駛下下話呢樣唔得哥樣又唔得...) 

 因為今次換ge身分證係智能身分證,所以要親身去攞,又要一個月後先有得攞,本來今次約埋我同阿妹哥份,三個一齊做ge,不過預約quota只有兩份,所以淨係做左阿仔ge身分證同passport,橫豎阿仔要黎攞返個証,所以搞完晒d野我就順便約埋2月half term去換我同阿妹ge,到時就即日來回都可以。

回程阿妹居然暈車浪~~火車都會...咁佢真係乜地方都唔駛去~~要去就一定要有預備先得lu~~

Manchester果然有大城Feel~

其他相去相部睇啦..