今晚去阿妺學校聽聖誕concert,舊年都冇去到,因為我以為好似香港d學校表演一樣,未表演前要聽一大段悶死人的演講。但今年因為阿妹有分表演,要去捧下佢塲,7:00開始,我哋6:55去到已經坐到好後,一坐好,沒有癈話就已經開始第一個表演節目,真好!

睇左咁多個表演,同香港d學校差不多,只係感覺比較"放",幾好睇~阿妹排第十三,鋼琴獨奏"Mariage D'amour夢中的婚禮"本來諗住用手機拍底佢,點知個鋼琴擺係台下同樂隊一齊,所以跟本睇唔到阿妺,佢彈完之後d人反應好熱烈,阿sir帶左佢上台謝禮,順便比觀眾見下佢個樣,d人又係咁拍手......散塲後,阿妹話:原來接受別人掌聲係咁開心同興奮ga wor!   一路離開見到老師,老師讚,經過d唔識ge家長時,家長又都係咁讚佢......

今晚仲有一樣開心ge事,就係noway喇,見到佢同老師對話,嘩!同之前比真係好左好多,大胆好多,佢今個星期五去面試,本來好担心佢到時識唔識講,因為面試唔同平時傾計吖ma...而家就放心好多啦...如果佢肯落多d功夫係"記生字"到就冇問題啦~~

聽日有客人到...又要忙喇~
仲有兩日開放假喇...又可以輕鬆lu~