今日上第一堂英文課,提早15分鐘到達,但不能入課室等,唯有企係外面,上兩個星期面試時得7,8個人,1:00正入到課室,嘩!傻左~咁鬼多人!?廿幾個人企滿晒個課室,原來真係咁多人要進修英文,咩種族咩年齡都有。

課室入面分左兩組位置,一前一後,老師問我係咪新人,咁我上一堂冇黎,咁咪答佢係lor~叫我坐係後面,跟住見佢派返上次哥種test卷比我做,咪咁我話佢聽我已經做左,跟住又叫我坐返前面哥組~~

一坐低就派左張notes開始教發音,教教下又要貼返個寫左名ge Lable係身,方便互相認識,點知老師見到我個名就叫左我起身話帶我去第二間課室喎~當時心諗...唔通仲有比學發音更低級ge班!?
去到另一個課室,入面連老師只有4個人,互想介紹之後就派notes上課,再睇返notes...原來係level高d  ge班級,聽左一陣課之後我就諗...點解分我黎呢班ge?老師講ge野,我聽d唔聽d喎~d同學英文又講得咁流利,我都唔得,但上緊堂又唔可以問,好彩1個鐘頭之後有個break,咪同老師講,我覺得我係lower level 喎~點解會係呢班ge?

佢話: 你個Entrance  test係呢個level,你得ga~你可以ga~放心喇!......咁......

d同學好nice,個個都有工作,得我冇~

之前係網上都睇過d前人學英語過程,都係話初初乜都聽唔明,但又真係聽聽下就明,學習結果都好好...如果係真ge就好喇~

佢咁講,我都要上ga la,但一路上堂一路驚,因為我真係聽到一半咁上下咋~點算!?而且個個人ge口音都唔同 如果可以比我由發音開始就好喇~~我好想從頭學過晒d英文呀!

睇下上完呢個短期課程,會分我去邊班喇~~

我呢~~煮餸水準好飄忽,原來連記英文都係咁,有時記得,有時又唔記得~~真係吖   鬼死咁冇用!!
可能...其實...我各方面都係咁~