尋日病病哋,本來以我咁懶惰ge性格應該係選擇唔返學ge,就算上左巴士,差不多去到都仲諗緊返去請完假就返屋企瞓覺,不過又諗下...每個星期都係得一日,哎~頂硬上喇!

通常,早到係我ge習慣,所以我係第一個企係門外等,好快就見到上一堂認識ge同學Rasaz,係Nigeria(尼日利亞)人,另一個叫Harim我聽唔明佢究竟咩國家黎ge~一見到面就不停咁講...大部份都聽得明佢哋講咩ge,間中佢哋問我野,好多時都唔識點樣用英文答返,只可以用身體語言加上簡單英語回應,不過只係上左兩堂,Harim已笑左我5,6次,佢話我成日話英文唔好,但佢哋講ge野我又明喎~問我係咪講笑?我問返佢,你哋可以用英文交談,咁叻點解仲要黎學!?我就唔得喇~你哋叻我好多~haha~  (好多時所謂明白佢哋講乜,係因為聽到佢哋ge"片言片語"加上"身體語言"...知冇!?)

尋日,一個唔多好ge消息,本來以為呢個課程係完左會有新安排,點知miss話要到9 月先會再開課,而且仲要重新申請...
麻鬼煩!又嘥左d時間,一個星期得一堂我已經覺得太少,而家仲要停一排,真係嘥gas~
之不過以為得6堂,原來係共10堂喎!哈,咁都好d~
希望到時申請到喇~

尋日noway去面試,學校所在地我未去過,因為佢好少自己出去,上次哥間因為係city,而家且我清楚位置係邊,所以唔担心,今次呢間...去ge巴士班次又疏,又要轉車,有d担心。佢出左門之後仲打電話返黎問我巴士咁耐都未黎ge!?當時架巴士係遲左幾分鐘,我話唔駛驚,就到ga la,因為d巴士通常都好準時唔會遲好多,咁佢識得担心遲到都係好事黎ga~

我放學返到屋企就問下佢過程,聽落又幾順利咁喎~冇咩事發生。
都好,好似大個仔左喇~如果"大個仔"進度再快少少就perfect喇~