天氣開始暖返少少,只是早晚都比較冷。
今日返左學上左半個鐘課,就話要去參選"裁判法院",因為我上一堂冇返,所以唔知道,我咁大個都係第一次去呢種地方,出入都要"過機",真係睇戲先見過,咁係有安排左個"裁判官"帶我哋參觀,首先去左個今日冇人用ge法庭,聽個裁判官講下d審判過程咁喇,過程之中我都係識聽唔識答,後尾又搵左d同學去扮演各角式,我d英文咁屎...咪搞我~跟住本來係去多個審緊案ge法庭參與下,點知好死唔死,今日法庭入面發生左d事,好鬼死多警察係度,"裁判官"話發生緊ge事係呢度從來未試過ge,叫我哋今晚睇新聞喎~
今日,有個"印裔"女同學好主動同我傾計喎~通常d同學都係坐係隔離ge先會傾,但佢就係步行過程中特登行埋黎同我講野,離開court時又搵埋我一齊行,幾好呀!一直都覺得佢哋d五官好靚,只係d膚色比我哋深~