好開心呀!今次老公過黎住左差不多三個星期,又只係得我哋一家人係度,感覺好似以前係香港咁呀~好正!

第一個星期因為要攞返之前辦ge証件,所以去左Manchester,帶老公去行下,又食下shusi咁喇。

第二個星期去London玩左4日,好正喎~d地方都好容易揾,景點又多,順頭順路,食得又唔差,
感覺唔錯,個人最鐘意就係London Eye,雖然貴但好值得。

第三個星期去左姪女新屋,係Coventry,撘火車都要差不多兩個鐘,途中係Birmingham落左車去飲茶,車站附近就係唐人街,個Market好大呀~跟住去佢屋企,新屋...梗係有返咁正喇^^  後尾留底阿妹係度住左兩日,我哋自己三個人返Nottingham先。

尋日陪Kirk去攞A-Level成績,成績達到佢ge目標,好開心,但仲未知劍橋大學收唔收佢,校長好好人,又好搞笑,原本佢同阿仔講,今日都係唔好打去劍橋問喇,因為今日大學應該好忙,未必會答你...咁,點知後來佢又話幫阿仔打去問喎~入到校長室打電話去,真係唔通,哈哈~咁唯有返屋企諗住第二日打喇,一入門口就見到劍橋大學寄黎ge信,好開心呀!!!!!!!!!!!
原本呢一日就已經約左阿藍佢車阿妹返過黎之後去唱k食飯ge(因為我老公就黎返hk~),咁收到d咁好消息咪叫埋kirk同學仔(中國人)一齊去,跟住又叫埋佢阿媽,越來越多人,最後就變左慶祝party喇~由下午4:00玩到夜晚11:00先返屋企,玩得好開心lor~

尋日攞完成績,就被記者訪問,咁夜晚咪去買份報紙睇下有冇喇,冇喎,有d失望~~~咪同阿仔講,一日登唔晒咁多人ge,聽日再睇下喇,今朝上網睇下...有喎~仲有埋相片tim,幾鬼開心呀!仲要係Nottingham最高分哥個呀...哈~哈~哈~