呢幾晚都失眠~.. 眼光光咁等天光!!  諗左好多有關瘳俊宜既事~
我尋晚鼓起勇氣同佢講清楚,, 都係第一次咁樣拒絕男仔"..
我以為一切既事都可以完結  我可以攞脫左佢,過番正常既生活"
但我發現自己錯啦~ 我將一切既野都諗得太簡單.. 我忽略左佢既感受!!
俊仔其實係一個好男仔  佢對我好好~  會以我為中心..
我唔想再呃佢  聽住佢每日好開心咁同我分享佢所發生既事..
我就唔忍心同佢講明一切 我開唔到口  我好驚會傷害到佢~
我根本唔知自己仲可以點做  我覺得愈拖得耐事情就會愈難解決..
況且阿哥已經下令唔準我同佢再有任何關係  佢唔希望我比人呃~

尋晚個人好支力  明明好想訓教~  但係番床碌左個幾鐘都訓唔著..
好討厭失眠既感覺  好討厭一個人胡思亂想  好討厭好討厭好討厭..!!!!
不過尋晚多謝黃賢陪我傾計  每次係我唔開心既時候佢都會出現=]
佢真係一個好特別既朋友  每次同佢傾完心情都會變好  真神奇!?
同佢傾完個心真係舒服左好多" 哈=]  唔知點解我願意同佢講咁多野?!
可能係一種感覺呱.. 又或者係我覺得佢會幫到我~  真係好愛呢個朋友!!^^
點都好啦~ 我知道自己應該點做!! 我會嘗試去解決問題  而唔係逃避!!~
我要堅強d!! 自己都唔細嫁啦~  有好多野都係靠自己比較好!!=)

至於個結果會係點  我已經唔想再諗啦~ 因為冇野係十全十美既!!
阿Bee講得岩" 我唔應該因為驚而勉強同佢一齊,咁樣兩者都唔會快樂!!"
哈=] 我好開心身邊仲有朋友支持我~  有另一種難以形容既幸福..
真係好多謝你地!!!  我唔會再因為呢d野而唔開心嫁啦!!!
因為我係活潑開朗樂觀既何韻盈囉~  哈哈哈哈哈"