今日姐姐公司搞遊船河,所以7:00am起身同姐姐一齊出去荃灣集合,

然後坐私家車往西貢浪奇出發,人數大約有2,30人,勁開心呀,因為今

次係我第一次出海玩,加上姐姐d同事好nice,所以一d都唔悶,當姐姐

佢哋打排球時,我仲同阿麗去咗游水tim~hahaha......真係好開心~

海灘同泳池真係好大分別,海灘好玩好多,因為有得玩浪同沙,而且浮

力比泳池大好多~但係d海水就真係好鹹囉~我哋仲見到藝人(楊明)tim~

係碼頭時佢企係我哋則邊,但冇同佢影相,不過又真係有幾分似霆鋒

既~到咗下午,我哋終於有得開餐啦,有好多野食同野飲,可惜...我冇食

褔,我食咗一碟野竟然開始暈船浪,終於忍唔住去咗洗手間嘔,佢哋

個個都好擔心我,問我有冇事,又比暈浪丸我食,又比話梅,佢哋仲話我

埋臉青曬,嚇死佢哋,haha...^^after我見冇咩事就同姐姐,阿輝一齊玩香

蕉船,香蕉船真係好正,好剌激,因為唔知自己幾時趺落海嗎玩個時一

d都唔驚,因為有著救生衣~但係跌落海個下就知驚,仲飲咗少少海水tim

~揸遊艇果個人正pk黎ka~明知3個人都唔識游水,接我哋既時間仲要

距離一段路,係要我哋自己游過去,頂佢呀我唔識游水ka~好彩有姐姐

同阿輝既協助,so我先可以回到岸,佢已經唔只一次係咁la~之前去沙灘又

係咁,係海中心叫我哋自己行過去岸邊,落船個下又係唔到地,好彩有水泡,

抱住個水泡彈過去,勁麻煩至於回程個下就多得阿昌拉我同姐姐埋岸,

佢仲拉到腳抽筋tim~真係辛苦佢~玩完香蕉船就飲咗盒野,點知又嘔,

個刻飲d乜同食d乜就嘔,搞到我唔敢食野~total嘔咗兩次,嘔到死咗,大約

玩到6:00幾就走啦,回程都係坐返私家車,仲有好多薯片,零食凈,當然歸於我

哋la~hahaha~