今日明明下午同我出咗去旺角郎豪坊買禮物比我,我哋去咗catalog睇野,明明仲送咗個ie coq sportif既袋同外套比我,tatal使咗成千幾蚊,好貴呀! 但係佢有野送囉,送咗隻ie coq sportif既杯同一對襪比我哋,仲可以做埋會員tim~^^好野,以後買野都可以有折啦~今年同明明過生日好開心呀~係度真係要同老公講返句多謝呀~啜啜啜^3^...after就搭mtr出灣仔合和中心既旋轉餐廳食自助晚餐,我哋由62樓高望出去既景色真係好靚呀~有海景,夜晚高樓大廈既燈火真係好正,60幾分鐘圍住成間餐廳轉一圈,環境又舒適,加上d食物又好味又多款,簡直係應有盡有,真係人生一大享樂,但就唔係咁中意個洗手間,因為男女共用,有d怪,而且價錢都好貴囉,$328一個人,生日果個就有半價,但個晚埋單都要成$555,呢個生日真係使咗老公唔少錢,我哋由6:30pm食到大約十點幾就走啦~去咗搭叮叮往中環搭渡輪出尖咀行咗陣,after老公就送我回家~