本來係今日之前,我就已經唔想返學ge啦,

第1個原因係因為前日同尋日去左camp,

搞到5點幾,好攰,而且又無做到功課,

唔想返去,

但最後都覺得咁樣做唔係幾好,

返左學......

但!我好後悔我今日返左學!

今朝一早6點鐘就要起身,

可憐我星期六晚係出面露營,

凍到我成晚都訓唔到,

而尋晚咁好ge溫度,係咁舒服ge地方訓覺,

但我唔可以訓到飽.....

跟住今日係學校到就係咁訓覺啦......

呢個都唔係最慘ge!

最慘ge係我今日好黑仔咁俾人照肺!

上個星期,英文老師俾左份功課我地做,但佢話佢唔會收

而我去左camp,無咩時間做,做得好求其,

跟住,今日上堂個陣無啦啦走過黎我度講,

我想睇下你份功課,

天啊,你咁惡,要求咁高,我俾你睇仲有命ge,

但又唔可以唔俾,

最最最最最令我感到我係黑ge係,

全班31天,佢就只抽死個人黎睇,

偏偏就抽中我,

點解我做得好個陣時,佢唔睇,

點解係我做得咁差個陣你先黎睇bo!

跟住,落堂之後,我就俾佢捉左出黎照肺,

嘮叨左我十幾分鐘,

唉.....

我對佢講個d野,無咩feel,

最令我嘆息ge係,點解我今日咁黑仔呢?

真係.......

早知今日我會有咁ge下場,我就唔返啦........