其實呢套動畫我都未睇曬,但只睇左十幾集就已經令我覺得好感動,

點講呢,好羨慕男主角,

可以有咁多朋友,

可以有膽量去做咁多事,

佢做ge事情在我角度黎睇係無可能做,

即使我有幾想做,

但因為種種原因都令我無法做ge,

睇緊呢套動畫時,我同時為動畫中e不幸感到傷心,

覺得好多事情都唔係自己可以解決,

唔係人力可以解決,可以掌握.......

我地要做ge可能就只係盡力令自己唔好後悔,

咁樣,我地ge傷痛就會大大地減少,

雖然都依然會令人感到難受,

不過相信會好好多ge.......

講真,呢套動畫好想快d睇完,

但又驚睇完之後好難搵到d咁有質素ge動畫,

心情真係有d矛盾......

希望隨住我睇下去,

呢套動畫可以帶俾我更多,

改變我更多,向着正面地......

正面地影響我ge生活啦~~

好似好難咁,要一套動畫做到咁多野,

但呢d就係動畫同以前個d卡通ge分別啦.........

或者有d人會話18歲都仲睇動畫,

係唔成熟ge表現,但我認為我可以係動畫學到野,

學到更加有用ge野,

唔再係中英數,而係生活上,心靈上......

唔係單純地為睇動畫而睇動畫,

我會繼續睇落去,

但同時亦會花時間同人外出,溫書,

呢個我一定會有個好ge平衡!(自言自語中)