今日下午返左學校听畢業生同我地講野,
但其實我個人就唔覺得有咩用啦,
佢講ge其實無助於幫我去arrange我個25個choices,
都覺得其實我係呢幾個鐘裏面係幾無聊.....
之後,就去左坐27號到旺角拎返我上個星期六訂ge suit,
點知塞車塞左成果鐘lo =.=
明明4點幾都上左車ge啦,都要搞到成6點先可以去左MK,
順利到MK,居然用左個幾鐘,
真係搞到我好燥lo,
去到間店到,spend左半個鐘,試下,睇下岩唔岩身,
之後就返左屋企(今次係坐MTR),半個鐘度就到啦,
試上身,睇落都唔錯,
不過有d位都仲可以改善下GE,
算啦,我諗我套suit 應該係FORM 7裏面最cheap個set,
都無咩好怪啦......
今日上網睇左好多自己以前ge blog,
以前,曾經有一段時間,係日日都係度打blog,
點解當初打得咁密呢?原因我都唔記得左la,
或許係當初現實中無朋友,
唯有打blog抒發自己,打發時間,
令自己有d寄托掛,
直到一段時間,我透過呢個blog,識左d朋友,
令我日日最渴望ge事就係打blog,
了解佢地,講講自己,
可惜,同頭黎,佢地大多都離開左我,
我有諗過係唔係真係因為網上識ge朋友,
保質期就係咁低呢?
之後,有一段時間係無再打blog,
一直都到有大事,或其他唔知咩ge原因先會打,
我諗應該半個月1次掛,
網上朋友ge離開,令我明白用blog識朋友,
尤其係真心,持久ge朋友,其實係無咩可能,
就係咁,我一直咁落去,
到頭黎,我發現ge係,就算朋友同你講,
你地係一世朋友,有幾多係實踐到呢?
唔洗耐,1年無見,就足以證明,
友誼,原來就係咁軟弱,
理想始終都係理想,
而現實永遠都係現實,
當理想變成現實,
理想就不是理想,
現實亦不是現實,
人呀,就係喜歡許下承諾,然後就走左去,
當你講:我係你一世朋友時,你知唔知我有幾開心呀?
當你離開我時,你又知唔知我有幾失落同痛心呀?
已決定啦,不再嘗試將理想變成現實,
接受現實,而將理想變成夢想,
唯有咁,我先可以繼續生活下去,
朋友,始終都係有時效ge........
朋友,始終都唔係自己...........
我相信:沒有朋友時,要享受孤獨:有朋友時,要準備孤獨
咁樣做,對自己係唔係會無咁hurt呢?
經過一切一切,我仲可以對其他人真誠?有可能嗎?
真正ge想法同內心ge感受都係留返俾自己好........
哈哈!!!!!!!!!!!!!!!!!!!!!!!!!!!!!!!
|
