尋晚係呢個 library 同 photography club 一齊搞ge BBQ,

大家都玩得幾開心,幾kai,又幾high,

我都算係咁啦,

不過,有一個人ge態度我始終睇唔穿,

佢同我一齊果陣,又會同我講好多野,好似好關心我,

但當幾個一齊果陣,佢又會將我擲到一邊去,

同其他人講野,

佢究竟對我ge態度係咩呢?

係朋友,好朋友,定係知己呢?

我又應該用咩野態度去對返佢呢?

我唔想再搞錯自己ge角色啦,

搞錯自己ge角色往往下場都好淒慘......

諗諗下,我又係唔係太自私呢?

又犯左小器,自私,自我,佔有慾強ge毛病呢?

定係我諗得太多,佢其實只係當我係普通朋友,

兩個人一齊時只為唔好尷尬,先同我講咁多野呢?

所以當一班人一齊時就唔同我講野啦......

心情好複雜,一方面想佢其實當我係好朋友,

一方面又驚其實呢個唔係真ge,

唉......

無法明白一個人究竟點睇我,令我好忐忑不安.....

羨慕有d人,有一班永不離棄ge朋友.........