今日個聯歡令我有d失望,
好似無咩睇頭,
以往,老師ge劇好似好睇好多,
雖然話題一般,但都睇到我津津樂道,
可惜,今日個劇真係無咩特色......
另外,今日個聖誕節氣氛好似炒唔起咁,
係我地係台上,所以我唔覺,定係真係炒唔起呢?
總之今日我就真係feel唔到有慶祝聖誕ge意味啦,
而且抽獎嗰度都有d失望,
原來諗住會有好多份俾人抽,
點知加加埋埋都係得8份(仲要連埋老師同staff個份lo)
搞到我好無mood,
不過,今日都有1樣好意外好意外ge事,
我收到一張聖誕卡呀!
諗起黎,我都好似有幾年無收過聖誕卡啦......
自從小學畢業之後,我就再無送出過聖誕卡,亦無收到聖誕卡,
所以今日收到 Koala ge聖誕卡,好都好驚喜,
十分感激同感謝!
內容亦好有意思,令我有所啟發,
好多謝 Koala ge用心!
之後,就到左食野啦,都無咩野呀,
大家都係咁食係咁食,
不過,可能真係我自己問題(肚餓),我真係默默地食 =.=
並無同人地傾過咩或影相,
然後就玩大電視,不過我見太多人係前面,都費事上去,
就自己一個 hea下 lo
放左學之後,約左Ken Tong,
佢今日出黎其實係義務性質,
完全係因為我想買野,佢先會陪我出黎,
雖然我口無講,但其實我係好感謝同感激佢陪我ge呢個行為,
佢令我好明確地感到,佢其實當我係好朋友,
而我都好慶幸我有個咁好ge朋友,
會陪伴我(可能相識4年幾ge關係,不過相識4年幾先都黎個地步,都幾慢 =.=)
好珍惜佢,希望我地ge關係可以保持落去,
我今日fake左佢幾次,
佢先陪我去左淘大食lunch,然後去左九龍灣街市,
之後再返淘大睇耳機,
然後再返去安基宛買紀念冊,之後先去德福.....
=.= 好似好衰,但其實我唔係特登,只係咁岩醒起,
雖然佢表面口有怨言,但我明白其實佢樂意咁做,
佢其實係一個對朋友好好,對朋友好仁慈ge人!
去德福其實都唔係我終點,
我真正要去ge地方其實係MegaBox,
去買我呢個水樽,而係去ge過程中,我巧合地買左我ge耳機,
之後去到買水樽啦,其實無咩色同款揀,我鍾意一個淺藍色,有魚圖案ge,
但又因為我怕隻色同阿芬嗰個一樣,會好麻煩,
猶豫不決,最後,都係KEN Tong拉走我,叫我去俾錢,買左佢 ^.^
然後就到我陪Ken Tong lu,
佢要去觀塘拎返補做ge學生証,
於是就同佢一齊返德福再搭車啦,
響呢個時候,KEN Tong同我講佢見到林楚芬,
可惜我望左四週兩次都見唔到佢wo,
佢又話一定係,而且仲着黑衫,
但我明明記得阿芬今日係着白衫,點會係佢呢?
於時乎就叫俾阿芬,confirm下啦(諗住同佢friend,我就着問呢d無聊野,佢應該唔會介意掛)
點知又真係佢wo =.= ,佢話佢都見到我,只係見我同人傾緊計,無叫我wo.....
然後就去左觀塘IVE啦,
拎完之後,KEN Tong就接到消息(from 佢姐姐)
佢要去見工(佢家姐做野嗰度,介紹佢睇下得唔得),
咁我又未見過佢家姐啦,
咪想見下lo,點解俾人賣左.....
佢居然send sms俾佢家姐問有個fd想見佢一面,可唔可以.....
我原來仲諗住黎個意料之外ge見面添.....
最後都見到佢,不過反而到我無心理準備.....
佢家姐個樣好正常,而且生得都幾標緻,
之後佢就去見工啦,
不過岩岩佢話我知,佢應該衰左,
個manager居然用無form俾佢,叫左佢走,都應該衰左ge.....
不過佢好似無灰心,慶幸慶幸,
今日,中七最後一個聖誕聯歡就咁過左啦,
雖然有d出乎意料,但都幾好玩ge......
紀念冊d 相
 
 
|
