今日真係無所事事,
一早就返學校考中文Oral,
然後,俾條題目嚇到我o左,
批評容易讚賞難??? 3分鐘個人短講???
點講呀!
好快,好明顯地就俾佢KO左,
可以用秒殺黎形容........
之後就係Group Discussion啦......
題目都唔算難,問響一段鼓勵香港人逆境自強ge宣傳片中,搵邊d人做主角,
有演員,紀律部隊以及運動員,好彩無全部人都揀曬一個,
兩個運動員,兩個演員,一個紀律部隊,
都叫有嘢講......
之後就已經到左12點到啦(考得真係慢....)
同阿龜同阿芬落左德福食嘢同買飛,
睇黑天鵝,未入場之前就係度行下行下,
黑天鵝呢套戲真係唔錯,不過感覺上飛得太快,
心理描寫得唔夠勁,
不過有d鏡頭真係幾色情以及恐怖,
睇完都3點幾,去左淘大到去行下,
買左個銀包俾我細佬做生日禮物,
又同佢地四圍行下,去左睇傢俬(我需要張電腦椅)
然後又去左冒險樂園啦,扭蛋啦,書局同埋百佳,
行到差唔多6點先散,
講真,自從同自己講當佢地係普通朋友後,
的而且確開心d,因為同自己講,佢地唔理我係理所當然,
無人理時,咪自己做自己嘢lo,
東玩玩,西玩玩lo,
依然珍惜同佢地一齊ge時間,但已經真係覺得只有自己一個係理所當然,
已經做到無咁依賴佢地lu,
當諗到佢地心裏,我重唔重要時,已經識同自己講,佢地係我普通朋友,
我重唔重要根本無關係,已經學會自我安慰啦.......
要繼續下去呀!
|
