有陣時真係完全唔明自己諗咩,

明明知道,但又做唔到,

可能係一個人無聊啦,成日都想搵人陪 =.=

近排諗到,我係佢地ge圈子中,好似怪怪地咁,

佢地好似識左好耐,而我就識左唔係好耐,

一黎係無共同話題,二黎係無共同回憶,

咁樣夾雜係佢地當中,會唔會格格不入呢?

佢地又會唔會介意我插左入去佢地之間ge存在呢?

講真,有時其實我都 feel 到d野ga,

好似 Alfread 同 Koala 咁,佢地兩個好似好 fd,

經常都會私底下傾計,排除左我,

我就覺得有d....點講好呢....叫 hurt 掛(更正,係叫心酸),

又好似 Kim 同 Fan 中間咁啦,

Kim 又會覺得我係搞亂佢地關係ge人,

有時,我原意真係唔係咁,我唔想傷害到任何人,

我都唔想會有d咁ge事發生.....

講到尾,其實我都無係呢間學校擁有我ge死黨,

佢地好似同我 fd,但又其實唔係真係我諗咁 fd,

可能係朋友,但亦只係普通朋友,

一旦畢左業,無需再朝見口,晚見面,

我地只有半年多ge時間維繫ge友誼仲可唔可以保持呢?

中五時,Ken Tong 佢走左,但我唔係好驚,

因為我明白佢除左我,無其他人啦,

而且都有近3年ge底,

我地係可以維持關係,

但依家,佢地個個都有自己ge圈子,

個個都咁活躍,一畢左業仲會唔會記得我呢?

感覺上,依家係佢地當中,我已經係可有可無ge存在啦(又係一陣心酸),

將來佢地gathering時,仲會唔會記得我呢?(又一陣心酸,會心痛添呀)

或者到時佢地個個都記得,就係唔記得我,

因為,我同佢地一齊時間短,回憶少,

半年幾ge友誼,其實我都對佢無咩信心,

若果我知道佢地有gathering無叫我,我一定好傷心(若果我仲在乎),

我其實都好易滿足啫,俾我如願啦........

可能又係我自己諗多左掛,

我其實唔應該係呢個時候諗呢d,

我應該花時間準備高考,但我stop唔到我自己,

我其實都只係想有返d存在啫,有人知我存在,會在意我啫.......(簡單而且微小ge願望)

唔難呀?!讓我如願吧!