每每對住我重視ge人,我珍惜ge人,

我都會好想佔有佢地,

想佢地只屬於我一個人,

係我佔有慾太強,定係我太重視,太珍惜佢地?

我諗我將來唔會係一個好父親,因為我太保護小孩子啦,

我都明白呢個係一樣唔好ge事,

但我真係唔知點樣先可以改到,

就好似家人,朋友咁,我嘗試過叫自己唔好咁重視佢地,

希望藉此降低自己ge佔有慾,

不過我根本控制唔到自己,

無論如何,自己都好想佢地係只屬於我,

當發現佢地唔係只屬於我,或者根本唔重視我時,

我就會好傷心,好死氣沉沉,

講真,我究竟係個感情豐富ge人,定係一個冷血ge人?

我只關心我重視我珍惜ge人,對其他人我最多都只會一時傷感下,絕唔會成日放係心上,

但我重視我珍惜ge人若果有事,即使係小事,我都會好傷心,

試過好多好多次,說服自己,要學會放低佢地,

但到頭黎,都放唔低,

睇黎我仲係一個執着ge人,

或者呢個亦都係我一直唔夠膽向人講心事ge問題掛,

我怕,一向佢地講左心事之後,我就已經將佢地當成係我最好最好ge朋友,

希望佢地都係咁樣對待我,而唔緊緊係生命上ge過路人,

而呢個時候,佔有慾就會發作,

到頭黎,嬲ge,傷心ge,受傷ge都只會係我,

做一個普通ge朋友,我可以用面具去對住佢地,

但做我最好ge朋友,見過我內心後,就要只屬於我,

呢個,我都明白係不要得ge睇法,但我內心真係咁諗,

記憶中,我好似已經為佔用佢地呢件事,

痛苦過好多好多次,

呢一切,呢一切,究竟點樣先可以解決呢?

要我自己睇開呢一切,都幾難,

我係一個好听d叫執着,難听d叫頑固ge人,

e d個人性格,睇法可以話係根深柢固啦,

根本無可能會係某一日自己想通......

要我說服自己,唔好將佢地睇得咁重要,

試過但唔成功......

都唔知點解d人可以控制到自己ge諗法,

可以令自己變成自己希望ge,

但我就唔係呢d人,

根本就無法自我控制,

斷左對佢地ge重視同珍惜,

無法減低到對佢地ge佔有慾,

究竟咁ge個性係好定壞呢?點先可以改善到呢?