真係唔知講咩好,

仲有幾日就我生日啦,

但又好似唔係好覺其他人有咩表示(雖然過往嗰十幾年都係咁)

不過諗住今年識ge呢幾個朋友好似都唔錯,

希望佢地俾d重視我,

會為我做d咩,我唔係勢利ge人,

我唔需要昂貴ge野,

我只想有人記得我生日,記得我存在,

一直以黎都覺得自己無咩存在感,

成績平平,無特長,屬於周街都係ge人,

但我真係好想有人知道,其實我係存在ge,

即使好耐之前我就明白每個人都係獨自一人生存於世上,

獨自一人的來,獨自一人的走,每個人都係孤伶伶ge,

朋友,親人,都無一個可以隨你走你ge人生,

一直以黎所渴望ge就係一個陪我一生一世ge人,

當我明白到呢個係無可能ge時候,我就應該死心,

唔應該將希望放係佢地身上,

唉,我好似已經語無倫次啦,呢篇blog,我會將佢lock起,

直到生日後先unlock....

希望到時我係可以加上開心ge一筆,而唔係傷心ge一筆啦...........