中六真係過得好唔開心,
首先,學業成績不理想,
不過呢個我其實無咩感覺,
畢竟,我不嬲都唔係幾好,
而且有好多時間,可以慢慢追上去,
但係,我另外一d問題就真係令我好唔開心,
中六,我d舊朋友都走曬,
我必須重新認識新朋友,
然而,我已經俾人地遲左好多好多,
人地都已經做左好朋友lo,
我仲點插入去呢?
勉勉強強叫識左幾個,
但佢地ge做法又好令我不齒,
明明無本事,又要扮曬野,
明明係度玩,又同人講係做緊正事,要人一齊做,
睇住佢地係度玩,我只可以係心裏面問自己,
咁都叫做正經事?
而且,為人過分張揚,同我style不合,
呢d其實都已決定左我地係無可能做好朋友,只能做朋友,
我為人較木頭,做事可以話係一板一眼,認認真真,
而且不喜歡張揚,只希望做好自己,
可以話係不顯山不露水,
我同佢地性格如此不合,如何成為好友呢?
可是,另一樣十分重要ge事就決定左我同佢地連fd都無可能做,
佢地當我係d咩?
有事要做,要問題要問,有野個陣先黎揾我,
咁算咩意思,
平時就連眼角都唔睇我一下,
咁係咩呀!
對我呼之則來,揮之則去,
算點呀!
我同佢地實左無可能做朋友.......
唔知點解,我次次同人地做親朋友,
人地都同我之間有層好厚ge隔閡,
佢地一係就識我咁耐都同我唔熟,
一係就同我性格不合,
好難過,覺得我係好孤獨,
好無助,
點解呢?明明身邊有咁多人,但我都有呢種感覺?
身邊ge人不屬於我ge世界,佢地......
重覆一次主題,
衰事一齊黎,
今朝,就連我細佬都表示唔想同我親近,
叫我唔好理佢d事,
咁算點呀!佢係我細佬,我可以唔理佢嗎?
點解要咁對我!
由細到大,我都係孤伶伶一個人,
點解周圍d人要咁對我?
難道就因為我外表唔好嗎?
一直以來,我都將識唔到朋友歸咎於我ge外表,
因此我對我ge外表感到十分自卑......
我就係好想好想有人話我知,你並不是孤單一個人的,
好想好想.......
就算係呃我,就算係假ge.......
|
