今日我細佬去完camp返黎,

佢同我講:佢去camp個到有個16歲少年死左,

佢咁講都令我幾擔心,唔知下次俾唔俾佢去好,

但佢自己拍心口話無事,

唯有信住佢先啦.......

去世ge16歲少年都幾慘,

都唔知听日返學個陣,佢d同學會點諗呢?

1個星期五明明仲好好地,興高采烈準備去camp ge同學,

咁就同佢地永別啦......

係我小四個陣,我個friend就不幸遇溺去世,

我呢世都記得個一日,係勞動節,

響個日,佢同其他friend去左大廈ge游泳池游水,

可惜,唔係好識游水ge佢到左深水池而又唔夠大人睇住,

就係咁遇溺,救唔番,

5月2號,我一早返左學校ge電腦室做野,

無出黎听宣佈,

等我出黎個陣,有個人同我講:你個friend死左,

我當時仲以為佢亂講,佢只不過無返(愚蠢咁諗)

直到老師叫我地:唔好傷心 個陣,

我先知道呢個難以致信ge消息係真ge......

個日,我地班d人喊到不似人形,

好朋友就咁離開我地......

永遠都唔會唔記得個日,令我失去好朋友ge一日.......