由於尋日久休打波~今日10:00起身~仲好攰~

昏昏沉沉咁上日記板check下尋晚小白龍小源有咩遺言…嗯啊嗯啊~

跟住肥財打黎叫我陪佢去借書~無奈係果個moment~

我突然感到頭重重~腳腫腫(呃~冇腳腫…純粹壓韻)

於是我叫拖遲d先去~因為我5想失約~言而無信~好衰仔架嘛~

跟住抦埋自己去間房~煲左好多戲(整估專家~好正)

又睇返成龍果套醉拳~雖然好舊同睇過好幾次~但係依+睇又有另一番感覺~

有少少feel到當時中國人被外國人欺壓同侮辱既心情…

期間肥財d咒怨電話漸漸在我耳邊響起~結果佢5洗我陪~唉~抱歉(9O度)

睇完~自發性咁執自己間房…經過n年既吹殘…吹麈…搞搞搞~執執執~

靚哂~房靚~心情更靚~夜晚~睇殘酷一叮~叮叮叮~一開頭d人5多好睇~

我不時轉台睇羅文~嘩…舊時d歌詞~靚到丫~好似寫詩咁~強~

等到馮文樂出場~掂~尤其是佢扮小鳳姐把聲~嘩~似到丫~

最白痴既係~佢竟然輸左比條「靚」仔~

d評判比哂同情分比個「靚」仔~真輸得5底~

好!聽日影靚靚班相+去拎新眼鏡仔~仲有……英文默書……