今日…3:00去打波…第一次因為冇人帶波而感到無助…

之後以為撞到波友…痴波打…寄人蘺下…點知佢地又5敢同我地打…

有冇搞錯…你地5敢打就早d出聲丫…搞到我成個傻仔咁望住你地射…

吼!火都黎埋…同牙東嬲爆爆咁落去大場…同趙X洲會合…

開始2打2…猜左同喪謙一隊…我心諗:

「5係牙話…單天保至尊!?」

於是頂硬上!!!打打下!頂!!!射極都射5入…射親都炒…

喪謙又5爭氣…東爺又食左藥咁…完全比敵方玩弄在股掌之中!

我都係第一次d命中率差成咁…真係第一次…我自己都好驚訝…

但有一點~我5係怨~趙X洲個波真係重d……愈打愈炆!!!

仲整損左隻右手…衰到貼地…跟住有2條友踩場~

一個係牙叔…矮矮地~一個係年輕人…高高地~猜人~

我同東爺、年輕人一隊~甫開波…我發現我隻手好似細菌感染…

成隻手掌痹左…勁痹~!但都頂硬上~打打下…敵方佔上風…

但由於東爺努力搶分+上我偶有佳作…搶回不少攻勢~

果個年輕人忘我地繼續佢既no 1ook Pass…

可惜中途果牙叔突然上身…衝破我方陣地…

其間東爺中招比牙叔既強而有力既象腳踢中上5寸下5寸…

嘩…痛到佢想喊…我搶嬴牙叔籃板既代價就係比牙叔批左

一下塊面……死左…打到9比6…差一分就輸波~果陣時…

我d火又冒升上黎~吼吼吼~我知道以前最拿手既中距離失效~

於是我改變打法~搶嬴籃板~自己近距離得分同埋狂上籃~

終於9比9刁時!我入埋關鍵果球!救世主~~!收工~!

返到屋企~散哂~

但又有相睇~好正!