學下先~咳咳~
會考前最後一篇blog~＊
唔會再報告近況~勿打我>.<
今日發生過既事~難忘~值得花少少時間記低~
忙左成個星期自己唔想去忙既事~
趁著今日乘機去偷下雞~蛇下王~
約左羅威8點9係樓下去踢波~同睡魔say拜拜陣時傾耐左~
8點9先起身~搞到9點4先趕到…等到9點9先到達青衣水庫~
(點解我咁列明d時間?最後你就會知) 伏筆
上到去~等齊人~突然之間好似去左個球迷聚集區咁
羅威係利記迷,牙松個fd同榮少橕車仔~牙蘇暗地裏支持曼聯~
但…佢地唔知我其實係捧羅馬一.一
跟住挑人機…哎牙…我真係唔係好識踢波架……冇乜建樹~
有一半時間守龍…有一半時間打後…
不過都幾開心既~感覺良好~其間牙康上左黎~勁人~!
翻板戴志偉~腳頭重到爆~澎澎聲~!!
對方守龍個肥仔都驚左佢…如果比佢一野省中…仲唔爆?
好彩我同牙康係一隊啫…怕怕~
踢到1點度~走人食lunch~嘩~果間野落料好足~
隔離枱既吉列豬扒大到乜咁~講真~咁大塊~都係30蚊炸~
可惜丫~我生飛滋~戒口~~戒口~
癲癲地同羅威、牙蘇去青衣公園打波~打三場輸足三場~
正當想報仇之際…噢…我抽筋…強!右腳小腿抽先~平定左…
又到左腳大腿抽~總之左右腳大小腿輪住抽…
咁都未算…
有大約20秒度我左右腳一齊抽…抽筋持續左五分鐘度~
四個字~痛不欲生~
咩意思? 即係…即係痛到想死囉…!
我唔係講笑架…係我左右腳同我講笑炸…
於是…轉場再戰~(仲打!?) 係牙~唔識死嘛…
係果度打2場又輸哂…好耐都未試過…朝頭早到旁晚…冇嬴過~
最尾三個人都入哂十字軍…梗係輸啦~羅威成五點先訓~
食完餐飯又唔多舒服~加上我地三個踢完波~仲打波~實抽筋~
老實講…我同牙蘇長時間守龍同打後…根本冇乜走動過~
踢波打波佢又跑得最多~又夜訓…又食完飯唔舒服…
又冇抽筋…仲橕到~好波~鐵人羅威~!
最終我同羅威兩支公去左長發商場既維園度食dinner~
oK喎果度~環境好~夠寬躺~廿幾蚊~幾抵~
認住先~其間同深儀傾左一陣~佢今日跟左耶穌~唔唔~
咁特意係度祝福下你~順便祝福下我喇~
係個飯局上~我同羅威傾左好多野…好真誠、毫無保留咁傾~
講到有一ｐａｒｔ~我仲眼濕濕＞＜
由食野開始~至去到我樓下告終…
說話背後~我地彼此間更加了解左對方~
一向比我感覺係堅毅能幹既羅威~原來佢都有佢既煩惱事~
相比之下…顯得我更渺少~更不智~
知易而行難 識講卻無法做 唔係~係有法做~
但只係唔願踏出第一步~
我同羅威講~任何事…只要肯踏出第一步~件事就成功左一半~
本意係用尼句話黎勉勵佢~
依家睇黎…我比佢更加適合接收尼句…
時間的確挽留唔住~我地唔可以操控時間~
但係我地能夠操控自己~所以我唔會再遲到~
從今日開始~我寧願等人(都好唔洗咁耐喇~)~
都唔希望人地等我~
各位有煩惱既好朋友~只要我捱過尼四個星期~
我就會搵你地架ａｌ~到時唔好嫌我煩喎︿︿
送比你地~
問: 1+1 幾時會=3？
ＡＷ ＩＳ．．．．
答錯個陣時囉 ︿＿︿
|
