七月三號 我既短暫既暑期工之旅正式宣佈完結喇…
維持左十二日 …睇起黎好似好短咁…但係對我黎講係好漫長、好深刻…我諗……
尼十二日都達到左我不少目的嚕…仲有意外收獲添…
咁話時話…我明明講過我要捱足一個月架嘛…點解唔夠兩個禮拜就嗌走…
真係捱唔到…?
嗯… 其實…如果係肉體上既疲累…我都覺得我捱得到...我唔係死撐…
我真係plan左要做一個夠月…我同個個人都咁講....
但…我辭工並非因為辛苦…係因為我頂唔順比個管工針對…blacklist左.....哈....
係牙…black左 …
因為佢有次無理要求…不顧員工申訴…堅持不斷加班…我忍唔住同佢理論....
so...就咁喇……
我知… 我明白… 其實尼個都係一種體驗黎既…
與權力鬥爭…不平則鳴…往往吃虧係自己? 要屈服!? 啞忍!? 妥協!?
要怪我處事唔夠圓滑...唔識睇人眉頭眼額?
寧得罪君子…莫得罪小人 尼句係我屋企人激辯左三個鐘得出黎既論點…
我知… 我明白…出黎做事…受氣一定少不免架喇…
同上司既關係更加要親過阿爸阿媽,咁個位就穩如泰山嘞~
但係 係咪
為左份工,去阿諛奉承....
為左份工,要忍氣吞聲,
為左份工,甚至要埋沒良知,指鹿為馬!?
-----
尼份係咩工咁巴閉,會令到人咁做?
尼個係咩社會咁離譜, 會令到人咁做?
談甚麼理想、願望, 【要養妻活兒】
論甚麼自由、文明 【要有安穩舒適生活】
【乜野都離唔開錢】…
我每次踏入貨倉…眼見既人,所有既人,都係為錢而黎,為錢而走,
唔係為錢,邊個願意係一個又暗又焗既大鐵牢返工?
為理想? 為興趣? 為錢
-----------------------
我同自己講…一份辛苦但令我開心去做既工,我會去做~
一份舒服但令我唔開心去做既工,我唔會去做~
咁 一份辛苦又令你唔開心去做既工,你會唔會去做呢~?
------------------------
十二日,我係咪一無所獲呢? 又唔係…
雖然我賺唔夠錢,買唔到相機 可惜><
但我賺左好多 朋友既關心,屋企人既照顧,新朋友既相識,搵錢既滋味,爭取既勇氣,
當然有大隻到la... 唔信?比我打一野試下^^
得到好多…
唉…一唔一個月已經唔重要la...屋企人認同左我...我都認同左自己…
--------
加油la...ken ! 要將曾經拉過一百籠籠車既毅力爆發出黎!! keep it go on~!
多謝賜力量比我既各位, GOD 屋企人(鳴謝每晚幫我捽腳既阿爸)
羅威、深儀、嬋嬋、阿賢、cm、anta、小津、東爺、
每日同我形影不形既陳慶文、天賜,我部未買得成既單鏡反光,仲有我自己……
多謝哂~多謝哂~支持!
------
十二日,完結 過完尼一站, 我繼續要走我條路....
|
