今日租左"地海傳說",比想像中悶,不過佢講生命果PART都幾有意思~~

4點幾去左食下午茶,,

7點到出門口去葵盛游水,

今年第一次全家人去游水!

冇近視係幾咁好呢!有近視,仲要係深果隻真係好麻煩~~

游完去食飯,冇胃口,淨係食左隻青口~

兩日冇睇強劍喇!鳴鳴....

岩岩同表姐食下午茶,

問左佢好多以前讀書GE野,,

佢好驚訝我話冇驚放榜....

當好多人都好擔心,我竟然可以冇乜事咁,

自己都覺得有D古怪!

而家我反而諗緊F.7同將來GE野...

點解你地會覺得諗黎冇用?唔係諗左做咩先去揀讀咩咩?

因為要學識倉頡GE關係,而家日日都好努力咁打日記~

今日食LUNCH GE時候,就有新聞講皇后碼頭D野..

食完野出左長沙灣間TRENDYLAND,買唔到遮又買唔到筆>.<

番葵芳行下行下就番屋企LU~

MUMMY煮送果陣,我同KAPO又話要學

抄左碟青芹豬手肉出黎,

食完飯新聞又係播皇后碼頭D野,,

咁大個女都未去過,所以對果度冇感情,

亦都唔明D人點解可以為個碼頭做咁多事,

但係同時又佩服佢地為左自己認為寶貴GE東西去捍衛~

另一方面,辛苦晒D警察~~

之後,好匆忙咁出門口,又遲到了.......

不過我諗大b都慣架喇~哈哈

食左pappagallo d雪糕,又食左牛雜,

跟住好匆忙咁走左LU~

時間過得真係快~

6/8 5D+MISS HO食飯!

冇得番跆拳LU~

頭先睇完強劍,良心發現,諗住執枱,

執左好耐,執左桶垃圾出黎,

但係張枱依然咁亂咁多野,

睇黎我要執成個月喇....

執野果陣見到張中一派位紙,,

由當初好唔願意咁入左全完,到而家好想原校升番上去繼續讀中六,

咁就五年LU~過得好快~

仲有F.1到F.5陸運會、水運會回條,去參觀GE回條,

又比我MUMMY話我係垃圾婆>.<

今日本來諗住九點起身,點知都係起唔到.......

九點半先醒到,同KAPO去食早餐,,

晏晝KAPO發脾氣,,搞到自己一個去圖書館還書

搵唔到想要GE書就要走LU

今集多啦A夢唔係咁好睇....

番跆拳,,

今堂有D新黎ge藍紅帶,

有個企0係我前面GE小師兄,成日擰轉頭望我,

我見佢都幾得意咪撩佢講野LAW,佢都幾多野講~

又冇媡考試GE野,FREE FIGHT,

落堂果陣,心情低落.....

果個小師兄又望住我,同佢講講下野,佢前面果個望過黎話佢溝女,搞到小師兄鬼咁尷尬,

哈哈,小學生都係咁架啦...三年級同個F.5傾計都變成咁~

番屋企食左好好味GE水蜜桃同李,心情好番好多,

睇左D"14歲的媽媽",點解個女仔塊面尖左咁多架!?