就係呢幅了~前日玩完電腦走去畫, 跟住琴日用左一日來上色...
講真, 琴日真係估唔到自己會咁比心機去上色...可能因為諗到自己之前次次畫完圖後就咁POST左出來, 但好耐都無幅彩圖上來..所以..琴日的起心肝去油完佢~開左兩次電腦 , 朝早油到去頭同黑色衫果度...之後夜晚就博盡佢..
D糖油到我痴左線...因為無理由得一隻色, 所以點都要唔同顏色~!!!話就話唔同顏色啫..其實都好麻煩 , 因為又要有埋深淺位...呼..諗起琴晚真係..辛苦到爆啊...到左約12點左右 , YEAH~終於上完了~
本身個背景又係諗死我, 因為我真係唔在行畫背景 , 所以我今次都係用左"樹葉"的筆咀來油背景 , 感覺又OK WO~
之後又問意見啦~阿巧話有埋陰影好D...所以...再加多D...出來的效果[正]啊~!!!!!
咁講返點解我要畫佢啦~
原因係我係CW將會出Q版的四格漫畫, 題目<<迷途小羔羊@銀時>>(其實都係剛剛諗...)咁前幾日同阿巧講講下...都唔知Q版的銀時係點的樣..?所以咪試畫囉...呢幅嘢應該都會係四格的封面...
琴日比左阿巧睇..點知佢話銀時好受...(啊..受嗎?咁咪幾好...XDDDD)但跟住佢話愈睇愈可愛啊~
其實阿巧都有畫的啊~(現正上色中) , 佢同我上色唔係好同, 大家各有風格~好~!!
話說我琴日上色上到銀時的眼時(嘩..銀時...眼時...大家唔好睇錯...XDDDD), 上到佢的閃閃的眼睛時...超~興奮啊~~!!!!!真係好可愛啊~!!!真係好似識得電人嫁~XDDD
到油件袍的波紋時, 真係好難...因為第一次上啦...就算之前有留意D動向, 但始終到油的時侯都係唔識果個波紋的流向啊...幾經辛苦先至油到稍為似樣D...D...
講返個字了, 話說個設定係銀時果時只識講個"糖"字, 但一個字的入面包含好多意思 , 正如圖中所見...XDDD , 諗到都好正呀...個樣明明咁可愛, 但佢講的意思完全係相當壞~這才像銀時的作風嘛~對嗎?銀時?(銀時:糖~~!!)(翻譯:不要說得很像跟我很熟的樣子啊~!!!混蛋!!!)
好了, 應該都係得呢D嘢嫁啦...今日到此為止~
如想睇大圖, 請按下面的連結啦~
http://farm3.static.flickr.com/2380/2276339985_a2772f3690_b.jpg
|
