點解咁講呢..?原因就係呢個...

銀魂きぐるみますこっと ∼コスプレするなら心まで飾れ
●キャラクター：銀魂 　　　　　　　　　　　　　　　　　　　　　　　　　　　　　　　　　　　　　　　　　　　　　　　　●２００８年２月上旬全国発売  　　　　　　　　　　　　　　　　　　　　　　　　　　　　　　　　　　　　　　　　　　　　●彩色済み人形＆きぐるみ１セット(全９種＋シークレット２種)   
●ガム（ソーダ味）１個  
●メーカー希望小売価格　¥２００（税込価格¥２１０） 

今日因為要去上咩ＣＯＵＲＳＥ所以出左去，咁諗住反正都出左去，不如去埋旺角睇下有無呢個買啦∼（因琴日同阿巧勁講呢個，真係好Ｑ＋正呀！！我地仲要話就算邊個都會鐘意，但新八果個就好難講。。）

點知行哂知道會有呢Ｄ嘢買的地方都唔見有。。真係超失望啊。。

咁諗住上網再睇多次幾時出。。唉。。真係睇錯眼。。（但唔改個標題名啦。。）

原來今年２月呀∼即係話有機會買到啦∼∼

太好了∼∼好開心呀∼∼

最想要的係土方，銀時（因可襯埋一對，嘻。。）仲有神樂同定春（因為佢地個頭同＂窿＂又係洽到好處），其餘的唔係話唔好ＧＥ。。但始終都係呢幾個最好。。

今日(特登搵)看過一次(第14集後面呀~),發覺新八件衫好似係做手術時穿的衫...有點無奈...

神樂件衫唔使點講..都係中國風很重的..阿妙都係, 都係件日本味的衫

到左銀時..超正呀~~!!

點解會穿左呢件咁SEXY的圍裙嫁~~~又諗起阿巧果由嘢TIM...

可以是＂Ｓ＂形嗎。。？ＸＤ∼∼（雖說是被迫。。）

嘩∼∼正爆呀∼（噴鼻血中）（是萌嗎。。？）後面Ｄ人仲未睇得哂。。

呢幅我係睇睇下突然爆笑嫁。。

因為見到Ｄ人的衫同動作。。

首先係沖田，枱面有個草人，對象還是土方吧。。依然係無變嫁。。

到左猩猩啦。。嘩。。件衫都爆埋呀。。但估唔到佢個身會咁幼囉。。

到左土方啦。。仲爆無奈，如果唔係睇到Ｄ人回，我都無留意佢原來係穿左條＂長＂裙。ＸＤ∼∼而且隔離擺左個美乃滋的（筆袋嗎？）仲要掛左個袋係枱邊（唔知入面係咩來的呢。。？）其他人係無嫁。。（死囉。。竟然留意呢Ｄ低Ｂ嘢）

至於土方隔離果個＂女＂同學呢∼（唔記得左佢的名）見到佢條腿就好想要。。而且仲要係咁短的裙＝口＝　似乎又係度諗歌德式裝吧。。

其餘的人都好白痴，但我同阿巧都唔係好知果個紥蝴蝶結的＂女＂係邊個。。我就認為係九兵衛，而阿巧就覺得係阿桂。。依家諗返應該係阿桂，因為呢班全是男變女的。。ＳＯ。。

哈∼

今日都話搜左好多正圖，所以今日特別多圖睇啦∼

這個是阿巧Ｎ日前ＳＥＮＤ比我睇。。好正呀∼∼（尖叫中）我覺得土方唔應該穿這件工作服。。我想還是穿他出街那件閒服吧∼∼（因為要和銀時配合嘛∼∼）還有，土方你還是除去那雙襪子吧∼∼呵呵。。

－－－－－－－－－－－－－－－－－－－－－－－－－－－－－－－－－－－－－－－－－－－－－

好了，話說我１月１日返左大陸，返到去７點幾，點知超多人搭果Ｄ巴士（＄２一個人），而且我又拉車，搞到上唔到，諗住搭摩托車，嘩∼∼要成＄１０。。！！果Ｄ司機仲要係度寸我地話依家多人。。無辦法。。咁我咪話咁不如搭的啦∼∼跟住果條茂利話睇下有無的士搭囉。。我都唔想理佢，就同阿媽去搵，無幾耐都係搵唔到，諗住都係搭摩托車，但絕唔搭果條人的。。行左出去馬路邊睇下有無車，好彩等左無幾耐，有架私家車可能知道我地要搭車就行埋來，阿媽就同佢講話去邊度，個司機話＄２０，就上左去了。。我係度諗搭呢個仲好，唔使食西北風。。

到左第二日，我本來晨早比阿媽同阿姨嘈醒，但點都唔想起身。。於是繼續訓呀訓（但半醒狀態）。。訓到１１點幾左右先至起身。。食完飯後就出左去行街，去的時候係行去的（因為要行去個地方買生日蛋糕（表妹生曰），但之後又要去一個叫書城的地方，唔想搭車，好煩）去到書城，本來諗住可以買到一宮思帆的同人啦。。點知行雲所有地方都無。。鳴。。點可以咁對我嫁。。但都好彩，比我搵到銀八先生的小說呀∼係１－２集。。但我都猶豫好唔好買，因為諗住電腦都有，但不過諗諗下，小說入面有插畫啊∼（這是一個引誘）於是買左啦∼（２本＄５０）唔知抵唔抵呢。。？走左出去書城，去緊買衫的商場的途中，我就拆左第１本來睇下。。發覺真係有畫，不過都係得好少。。有Ｄ係短篇漫畫（係動畫有講）。。但我竟然愈睇愈興奮，一味係度講＂無買錯！！無買錯！！。。＂（旁人點睇我呢。。？）

返到屋企我又拆埋第二本，Ｄ插圖好似少左Ｄ。。有Ｄ失望。。都唔知有無買錯呢。。？（你夠未呀？？成日係度問。。！！！咁唔ＬＩＫＥ就唔好買啦。。！！！）＜－－無視可以了。。係啦。。阿巧，你幾時得閒？我可以比你睇下嫁∼∼嘻。。

好∼！！到左今日要返來香港，返到來１點幾。。搞完嘢。食完嘢。就上左來ＬＵ∼

而且仲要見到阿巧新的ＬＯＧＯ∼！！正呀∼∼

我上左阿巧你的ＢＬＯＧ，見到呢幅圖係佔左成個螢幕，第一次睇＂嘩＂左一聲。。嘻。。但真係好正呢∼∼

咁我以後要講多Ｄ嘢啦。。等你又畫多Ｄ先∼

 好..正如標題咁講 , 我真係要一匹布咁長咁講..

首先 , 係星期二, 因為有D嘢我唔記得講, 就係係工作時間被個經理性騷擾(可以係咁講)..具體內容唔想講了..因為我已經向左我最信任的人申訴了..

好啦..

到左星期三 , 係5B班的同學聚會, 好難得我今次去左, 不過都係去返青衣長發村打邊爐 , 本身話係青衣城食飯, 臨時又改WO..當晚, 得10幾個去, 有我, 吉遭央, 阿素, 秀衣, 762 , 沙皮, 那聲, 粱啟榮, 冼寶寶 , 饒紫欣, 呂文浩, 香秀雯 , MISS LOW(係咪咁寸)同埋郭SIR , 大約咁多人, 有D可能忘記...

期間 , 周英問我覺唔覺郭SIR係咪瘦左好多, 我睇睇..發覺真係..但面上的紋亢亦都深左好多..於是周英竟然問佢WO..(周英, 你好嘢~之後的趣事先至會發生XD~~)

咁佢就答話係做運動<--來啦~我即諗:運動啊..嗯..果然..

之後又會一定講埋周SIR份WO..(無計..誰叫他們係天生一對啊~)嗯..郭SIR瘦左 , 周SIR就肥左..加埋做運動..我當時已經忍笑忍得好辛苦..於是攞出手提, 同周英講我去廁所..於是嘟嘟(禁電話聲)..就打左去阿巧果度啦..

OH~同佢傾左有15分鐘啦~因為真係太正了~而且前一晚又比一宮思帆的漫畫"薰陶"了~搞到同阿巧傾左郭SIR果單嘢後即轉話題講一宮的嘢..我地果日真係笑到傻左, 到返到屋企後(回家途中仲要搞肚痛啊..可能因為飲得汽水多..)又同阿巧傾電話傾到2點鐘左右...內容又係圍繞銀魂的同人..(都話左一宮你是神啊~)

OK..睇到呢度係咪覺得夠皮呢..未得啊..到未到啊..繼續睇埋啦~

到左星期四, 一早發覺個喉嚨有D痛..我以為琴日同阿巧傾得夜, D風入面去, 令到喉嚨乾左D啫..點知一直痛WO..放完工後就一直谷D潤喉GE嘢..但都係唔得..然後到左放完學就例牌打電話同阿巧你傾計啦~因為一D嘢要親口講先至正嫁~(我地已經認同呢個說法了~)到最LAST你話喉嚨痛係傷風的預兆..果然 , 我第二日就應驗左了..慘~!!!返到屋企, 繼續傾, 因為為我們的同人而命名..

SEED的惡搞漫畫命名為"讓我們來比賽吧~!!"

我地的同人組織名:白日夢(DAYDREAMING)<--之前已經好艱辛咁諗好了..

去到星期五了~呢日真係辛苦啊~已經是感冒的開始 , 我辛苦咁挨過返工的時間 , 係啦..琴日夜晚隔左2日終於玩到電腦覺得好正啊..

但中途諗到一個小故事(關於土方的蛋黃醬) , 啊..還是要親口講, 於是又同左阿巧商討了~佢都覺得正呀~~來吧~~一定要快D畫完啊~~!!

到左今日啦..

無咩GE , 傷風還在, 講嘢都好難..因為呼吸困難MA~算啦..依家又挨過左了..

其實 , 我又諗到一個惡搞嫁..今晚打比你啦~阿巧..始終是親口說的好...

臨到最LAST送返張畫比你地睇啦~

辛苦了~

今日又係畫畫下畫。。就走左去畫呢個。。畫左助子後就諗左阿巧琴日講的說話，ＳＯ就畫埋辰子睇下點的樣子。

本來的樣唔記得係咪咁，唔理住了。。之後係諗點畫佢的女仔樣，見佢都係卷髮，咁呀。。試下卷子髮型啦。。不過要短Ｄ，因為要將佢同卷子畫得係有分別的。。唔錯。。而且我咁畫佢似足佢成日傻笑的樣子。

到助子啦∼

計埋琴日同今日，畫左２幅，今日呢幅我覺得好嫵媚啊∼好似大姐風範，雖然唔知好唔好畫埋支煙，但其實我諗到就畫，而且琴日果幅都無，咁今日呢幅算係試下啦∼其實我覺得ＯＫ嫁。。睇下你點啦。。阿巧。。

當然，畫完呢個肯定唔夠侯，突然諗到我依家勁畫銀魂的嘢，會唔會唔識畫ＳＥＥＤ呢。。？（點解會諗到去呢邊呀你＝　＝）

呀∼∼∼畫完後好後悔！！！因為變左樣咁。。唔得呀∼∼ＫＩＲＡ呀。。。

鳴。。我點解會咁，一有新嘢就忘記左你，對唔住呀，ＫＩＲＡ。。我下次一定會畫好你嫁。。你原諒我。。

結果畫完呢幅畫後，已無心情走去畫其他了。。