.....星期五一放學就要衝出去學校,飛番去換衫= =(25分鐘,,,,)

出發lu~吹左一陣水就落車.
陪住楊倩+志志行.當然係最後一個喇~
入到營,聽營導師同譚副校講野(譚副校講到佢以前好差tim= =)....好似有45分鐘~
去到房,唉~d男仔全部都唔識既.....except大佬(何祐為),潘洛洋,葉冠麟

擺低野又要去食飯.
食完飯就去玩黑夜尋寶....
一陣就玩,跟住食糖水(點解會係紅豆沙嫁- -)
最後就沖涼訓教.(12點到先沖完.)

到左第二日朝早.7:45起身,
一起身就見到好多人都醒左~
當然,我係最後一個出黎~(多謝林sir等埋我)

食完早餐就玩羅馬砲架同爬高牆,
最後就好衝忙咁食午飯.(個呀sir個樣真係...估唔到)
約3:40番到迦密柏雨.

黑夜尋寶:
我係第二組.
組名:二寶
slogan:第二組;去尋寶,三男六女做得好.
呢組都唔錯既.今次任務係要用45分鐘去搵22張牌,然後抄得上面既標記.
一開始就好快咁搵哂,之後就難搵到嘔(又話d小六50分鐘搵哂)
一路都有同form6(好似係form7- -)既男仔吹下水,劉嘉欣同駱倩鳴都有兩句既.
最記得就係一路去搵d牌,何祐為搞爛gag(s),全組o哂~
認識到既人係form6/7既哥哥仔.冇問佢名tim,讀p.math= =(佢話:10題識做一題都好勁~)

做大戲:
安排於黑夜尋寶之後,
任務就係要演繹一場尋寶中既難忘片段,(演繹時間約2分鐘)
傾完之後...就演左一場平凡簡單既「戲」....
「雖然我地攞唔到冠軍,但係留o係我地心中既係一張『合照』.」
施喜穎個皇后look真係笑爆嘴~

「創舉」,北極圈:
玩完演戲之後,就玩北極圈-一班人圍住個繩拉.
緊張既係...之後+左一個人係繩上面行.
以為得一個老師拖住,原來兩邊都有.

寂寞營中夜:
第一日既最後就係沖涼訓教.
約10:45番到營地,就要輪流等沖涼~(我係第6個)
等沖涼o個時根本冇野做,唯有扮有野做-打sms~
我打左比silly同家姐.(silly點解你收唔到嫁!!))
聽住佢地4e開班會,就八下佢地講d咩.
沖完涼之後就即訓教.
呢段期間淨係講左兩句話-就係林sir得閒問候我....既「係!」同「打sms比屋企人~」

羅馬砲架:
第二日,急急忙忙食完早餐就去玩羅馬砲架.
一開始要砌個砲架.又要運用關於phy.
槓桿原理喎= =咩咩「30度最好.不過有air resistant喎」~(中四你想我學左d咩..)
砌完就去打仗.我地個投射器比正常o個個整低左.(真係約30度- -)所以個水球(俗稱水晶寶寅- -)飛得較遠~
最後我地組羸左,不過又有咩咩「平反」,我地又變左2/3名(total4組)
大懲罰真係...恐怖,要用水喉射人地,跟住羸左o個組同輸o個組互射.我地就旁觀...幾好笑~
(見到中文miss.陳既騰雞樣.XDD)
不過又冇empty講咁濕喎.
我揸爆左個水球都只有濕左隻袖~
今次識多d人,不過又係唔記得名....

爬高牆:
玩完砲架就係爬高牆..
個個既「砲架樂」都比呢個彩虹牆嚇到唔見哂.(....導師講話鎖骨爆o個時超恐怖~)
不過呢次係考大家既合作.
真係好緊張,見住志志「飛」左上去都心跳快左幾下.(人家第一次唷~)
個導師話:每人都要玩一次.
問:如果玩唔哂呢?
答:咁全部人都要重頭玩一次
不過d人心想(包括我):要食lunch嫁ma~緊係玩唔哂咁多人喇~
一路見d人上上落落,最後淨低d男仔+幾個女仔.
何祐為冇喇喇話:「就檸檬仔喇!」我都驚左一驚~
不過我都上左去,
一開始係踩o係d人手上,跟住就踩人地膊頭上.
伸手貼牆.要上面d人拉你手腕上去...
我心超驚~(驚d人抬唔起我...)不過我表現都ok啖定!
我上左去一陣就落黎,最後就有一個大難關-要抬一個「體積較大」既同學上去.
真係好重.我+其他男仔負責抬佢隻左腳...
不過都跌左兩次落黎.跟住導師幫佢著安全衣.
又一番勁通力合作,佢...終於上左去.(好似咩咁..)
今次真係體現到「團體就是力量」既精神!
「1...2...3...起!」拍掌...
歡樂.

今次真係幾開心既..不過最唔enjoy就係同4e d人搭唔到訕囉...
遺憾.
多謝一齊合作既人同何祐為既爛爛gags
我要努力做好呢份工